EFFECT.UZ – ҲАҚИҚАТ УЧУН!
Сўнгги янгиликлар
Кадастр агентлигининг 2021 йилда амалга оширилган ишлари таҳлили

Кадастр агентлигининг 2021 йилда амалга оширилган ишлари таҳлили

Кадастр агентлигининг бугунги брифинги  2021 йилда амалга оширилган ишлар тўғрисида бўлиб ўтди.
Дастлаб ўтган 2021 йилда Кўчмас мулкларни ҳисобга олиш йўналишида амалга оширилган ишлар ҳақида сўз борди:

Ўтган 12 ой давомида кадастр агентлиги ходимлари томонидан республика бўйича  252,9 мингта қўшимча объектлар аниқланиб, кадастр базасида ҳисобга олинган. Объектларнинг умумий сони 7,9 млн тадан ошди ва солиқ органлари базасига онлайн тақдим этилган.

Шунингдек, республика бўйича 477,7 мингта кўчмас мулк объектида қўшимча қурилмалар аниқланиб, кадастр баҳоси қайта кўриб чиқилган. 
Кадастр агентлиги ҳамда Давлат кадастрлари палатасининг ҳудудий идоралари томонидан  471,2 мингта кўчмас мулк объектларига бўлган ҳуқуқлар давлат рўйхатидан ўтказилган.

2021 йилда Ер ва кадастр назоратчилар томонидан 16 893 ҳолатда 2 541,3 гектар ер майдонини ўзбошимчалик билан эгаллаб олиш бўйича ҳуқуқбузарликлар аниқланган.

Аниқланган ҳуқуқбузарликлар бўйича 16 278 та мажбурий кўрсатма берилган, фуқаролик ишлари бўйича судларга 5 038 та даъво аризалари киритилган, прокуратура органларига 762 та маълумотлар киритилган. 

Амалга оширилган назорат тадбирлари натижасида 5 587 та ҳолатда аниқланган қонунбузилиш ҳолатлари ихтиёрий бартараф этилган.
Суднинг ҳал қилув қарорига асосан мажбурий тартибда бартараф этилганлар 61 та ни ташкил қилган.

Соҳани рақамлаштириш йўналишида.
Эндиликда Кадастир агентлигида ҳам тўлиқ рақамлаштириш ишлари олиб борилмоқда. Маълумот учун, ўтган йил давомида қуввати 800 терабайтлик “Маълумотлар маркази” ва Жаҳон банки билан ҳамкорликда “Кадастр ва рўйхатдан ўтказиш интеграциялашган ахборот тизими” тўлиқ ва ArcGIS дастурида онлайн геопортал пилот тарзида ишга туширилган;

– 2021 йил 1 майдан бошлаб янги интеграциялашган ахборот тизимида илк бор қишлоқ хўжалиги ерларини электрон шаклда давлат рўйхатидан ўтказиш бошланган. Бугунги кунда 166,4 мингта қишлоқ хўжалиги ерларидан фойдаланувчиларнинг 23,1 млн гектар (96 %) ер майдонлари рақамлаштирилган ва электрон харитада аниқ жойи, чизмаси ва чегараси ахборот тизимига киритилган;

Электрон ҳисобга олинган 125,0 мингта ердан фойдаланувчининг 21,8 млн гектар (95 %) ер майдонлари давлат рўйхатидан ўтказилган.

– Давлат солиқ қўмитасига ҳамда “Электрон ҳукумат” тизими идоралараро интеграциялашув платформасига кўчмас мулк объектлари тўғрисидаги маълумотларни электрон равишда интеграция йўли орқали (онлайн) тақдим этиб борилиши йўлга қўйилган;

– коммунал тўловларнинг ягона биллинг тизимидаги ўзаро маълумотлар алмашинувидаги муаммолар бартараф этилган;

– Ягона интерактив давлат хизматлари портали ва Давлат хизматлари маркази орқали тўлиқ тартибда электрон хизмат кўрсатиш йўлга қўйилган;

– “Лицензия” ахборот тизимлари мажмуаси орқали Геодезия ва картография фаолиятини лицензиялаш ва рухсатнома олиш интерактив хизматларни кўрсатиш йўлга қўйилган.

Ўтган йил давомида, 5 274,5 мингта кўчмас мулк объектлари давлат рўйхатидан ўтказилган.

Давлат рўйхатидан ўтказилмаган кўчмас мулк объектларининг 2 073,7 мингтасида техник инвентар кадастр ҳужжат мавжуд, 617,4 мингтасида кадастр ҳужжати умуман шакллантирилмаганлиги маълум бўлган.

Ўртага ташланган савол эса бугунги кунда қонун бузилиш ҳолатлари асосан қайси ҳудудларга тўғри келиши ҳақида бўлди. Маълум қилинишича, бу ҳудудлар Наманган, Сирдарё ва Қорақалпоғистон Республикаси ҳудудларига тўғри келган.

«Улашинг»

  • Смайлы и люди
    Животные и природа
    Еда и напитки
    Активность
    Путешествия и места
    Предметы
    Символы
    Флаги
Кликните на изображение чтобы обновить код, если он неразборчив

RATING