title

Ушбу тадбир, муқобил энергетика секторида хотин-қизлар учун яратилган замонавий имкониятларга бағишланган бўлиб, Ўзбекистон иқтисодий ва сиёсий ҳаётининг турли соҳалари вакилларини бир платформада бирлаштирган бўлиб, таъкидланишича, “Women in Power” бу ACWA Power компанияси ташаббуси билан Ўзбекистонда аёллар учун глобал ноёб имкониятларни муҳокама қилиш мақсадида ташкил этилган илк тадбирдир.

Форум меҳмонлари орасида анъанавий ва муқобил энергия соҳасидаги компаниялар вакиллари, халқаро банклар ва молия ташкилотлари ходимлари, Энергетика вазирлиги, Миллий энергетика тармоқлари ҳамда энергетика бозорини ривожлантириш ва тартибга солиш агентликнинг масъул вакиллари, Ўзбекистон иқтисодий ўсишининг катализатори” мавзусидаги ялпи мажлис форумнинг марказий тадбири бўлиб, унда БМТ Аёллар дастурининг Ўзбекистондаги менежери Серен Гувен Гуреш ва Ўзбекистон молия вазири ўринбосари Гулнора Раҳимова, ва Ўзбекистон Республикаси Энергетика вазирлиги Ташқи иқтисодий алоқалар бошқармаси бошлиғи Жамола Ҳусанжонова ва бошқа раҳбарлар иштирок этган.

Иштирокчилар иқтисодиёт ва энергетика соҳасида аёллар иштирокини ошириш тенденциялари ва имкониятларини, инклюзив иш муҳитини яратиш бўйича илғор тажрибаларни ва бизнесдаги эркаклар ва аёллар учун адолатли имкониятларни қўллаб-қувватлашнинг иқтисодий афзалликларини муҳокама қилишган.

“Компания ўз корхоналарида, ҳар бир аёлнинг унинг уникал қобилиятларини қўллаб-қувватлаб, иш жараёнида шаффоф ва тенг зарур шароитлар яратмоқда – бу компаниянинг барқарор ривожланиш соҳасидаги сиёсатининг ажралмас таркибидир. Замонавий дунёда хотин-қизларнинг ўрнини таъкидлашга мўлжалланган тадбирлар Power томонидан мунтазам асосида ташкил этилмоқда ва компаниянинг турли мамлакатлардаги минглаб ходимлари ва шерикларини илҳомлантирмоқда. Шу тариқа компания муқобил энергетика учун кадрлар захирасини шакллантиришга ҳисса қўшмоқда”, – деди ACWA Power инсон ресурслари ва маданиятини бошқариш бўйича директор Фируза Мавлонова.

Статистик маълумотларга кўра, ҳозирги вақтда энергетика соҳасида аёллар бутун дунё бўйлаб иш ўринларининг атиги 22 фоизини эгаллайдилар ва қайта тикланадиган энергия соҳасида бу кўрсаткич бироз юқорироқ (32 фоиз) бўлишига қарамай, бизнеснинг янги кадрларга бўлган талаби мавжуд.

Хотин-қизлар учун янги мартаба йўналишларини шакллантириш юзаки қолмоқда — сектор ҳар йили дунё бўйлаб 1 миллионга яқин иш ўринларини яратади. Аёллар билан доимий равишда очиқ мулоқотда бўлиш, уларга компанияда етакчилик кўникмаларини ўрганиш ва ривожлантириш учун имкониятлар яратиш орқали ACWA Power бутун энергетика сектори манфаатларидан келиб чиқиб иш олиб боради ва компания фаолият юритаётган мамлакатлар, жумладан, Ўзбекистоннинг иқтисодий ривожланишига ҳисса қўшади.

“Ўзбекистон компания инвестициялари ҳажми бўйича Саудия Арабистонидан кейин иккинчи ўринда туради. Тошкентда “Women in Power” биринчи форумини ташкил этиш биз учун катта шарафдир. Бу бизнинг ACWA Power компаниясининг Ўзбекистон ва ундан ташқарида энергетика соҳасида аёлларни қўллаб-қувватлашга содиқлигини кўрсатишнинг йўлидир.

Корхоналаримизда барча халқаро стандартларга қатъий амал қилиб, ҳар бир ходимга ҳурмат билан муносабатда бўлиб, унинг ўзига хослигини қўллаб-қувватлашга, истеъдодини ривожлантиришга интиламиз. Очиқ мулоқот учун ушбу трансформацион платформани ишга тушириш орқали биз жамиятдаги ижобий ўзгаришларни рағбатлантириш, инновациялар ва жамиятнинг барча жабҳаларига аёлларни фаол жалб этиш орқали Ўзбекистон иқтисодиётининг барқарор ўсишига кўмаклашишга интиламиз.

“Аёллар ҳокимиятда” эркаклар ва аёллар учун адолатли имкониятлар кун тартибига бағишланган бир қатор ташаббуслар доирасидаги биринчи тадбирдир – бу йил кузда янада йирикроқ тадбирларни ўтказамиз”, — айтди ACWA Power компаниясининг Ўзбекистондаги раҳбари Жон Зайди.

Тадбир учун ACWA Power ўзига хос рамзий белги – жинсидан қатъи назар, ҳар бир шахснинг қадр-қиммати ва ўзига хослигини ифодаловчи компаниянинг корпоратив рангларида ясалган бир-бирига боғланган иккита ромбни яратган.

Маълумот ўрнида, ACWA Power қайта тикланадиган энергия манбаларидан самарали фойдаланиш, электр энергияси ва тузсизланган сув ишлаб чиқариш ускуналарини молиялаштириш ва улардан фойдаланишга ихтисослашган.

Компанияда тахминан 3500 киши ишлайди ва ҳозирда Яқин Шарқ, Африка, Марказий ва Жануби-Шарқий Осиёдаги 12 та давлатни қамраб олган халқаро миқёсдаги иштироки мавжуд.

ACWA Power портфели кунига 38,7 ГВт электр энергияси ва 5,8 миллион куб метр тузсизланган сув ишлаб чиқарадиган инвестиция қиймати 61,2 миллиард доллар бўлган 60 та активни ўз ичига олади.

Компания Ўзбекистон иқтисодиётининг энг йирик сармоядорларидан бири бўлиб, ACWA Power портфели 14 та муқобил ва қайта тикланадиган энергия лойиҳаларини ўз ичига олади, умумий инвестициялар ҳажми 8,7 миллиард АҚШ долларидан ошади. Корхона республикада ҳам қатор ижтимоий лойиҳаларни ишлаб чиқади ва Ширин энергетика касб-ҳунар коллежининг доимий ҳамкори ҳисобланади.

Компаниянинг Ўзбекистондаги биринчи лойиҳаси 1500 мевагаттли Сирдарёдаги иссиқлик электр станцияси ҳисобланади. Унинг қурилиш жараёнларида уч йил мобайнида 2300-2400 маҳаллий ва хорижий ишчилар меҳнат қилган. Станция учун Япония ва Германиядан газ-буғ турбиналари келтирилган. Бугунги кунда унинг 1000 МВт муддатидан олдин ишга туширилди.

Бундан ташқари, яна икки лойиҳа: Бухоро вилоятидаги 2 та 500 МВтли шамол электр станцияси, Нукус шаҳридаги 100 МВт бўлган шамол электр станциясидир. Ҳозир бу учта лойиҳа бўйича ишлар фаол олиб борилмоқда. Биринчи лойиҳа учун 1,2 миллиард доллар инвестиция киритилган бўлса, шамол электр станциялари учун 1,3 миллиард доллар инвестиция жалб қилиниши кўзда тутилган.

Шунингдек, 1200 МВтли Тошкент ва Самарқанд вилоятларида қуёш электр станциялари қурилиши ҳам бошланган. Тошкент вилояти Юқори Чирчиқ туманида қурилаётган ушбу қуёш электр станциясининг биринчи 100 мегаватти апрель ойида, кейинги 100 мегаваттини май ойи охирида ишга тушиши кутилмоқда. Юқори Чирчиқда қурилаётган қуёш электр станцияси 200 МВт бўлса, унинг ёнида 500 МВт қувватга эга бўлган электр энергиясини сақловчи лойиҳа ҳам амалда.

“Тошкент вилояти Чирчиқ туманида Ўзбекистонда ва дунёда янги лойиҳа бўлган “яшил энергия” лойиҳасини бошлаганмиз. Президентимизнинг ташаббуслари билан олиб кирилган ушбу лойиҳа мамлакатимиздаги биринчи пилот лойиҳадир. Лойиҳа орқали биз дунёга Ўзбекистонда энг юқори технологияларни ишлатиб, электр энергияси тизимига ва ундан ташқари истеъмолчиларга етказиб беришимиз мумкин бўлган электр энергияси ва “яшил” водород ҳақида кўрсатмоқчимиз.

Ҳозир қурилиш ишлари олиб борилаётган 20 МВт қувватга эга “яшил” водород лойиҳасини йил якунига қадар якунлаймиз. Бу нафақат Ўзбекистонда, балки бутун дунёда илк лойиҳа ҳисобланади”, дейди компаниянинг Ўзбекистондаги биринчи “яшил” водород лойиҳаси бош директори Алимардон Абдукаримов.