title

Сўнгги янгиликлар

13:30 / 2025-10-15 316

Ёмғир керак: Табиат ва инсон ўртасидаги мувозанат издан чиқмоқда

13:19 / 2025-10-15 324

Президент Мирзиёев Саудия Арабистони делегациясини қабул қилади ва “Янги Тошкент” аэропорти қурилишига старт беради

13:03 / 2025-10-15 303

Каппадокия 17-19 октябрда “Salomon Cappadocia Ultra-Trail” югуриш пойгасига мезбонлик қилади

12:45 / 2025-10-13 373

Ўзбекистон павильони Осака EXPO–2025 кўргазмасида олтин медалга сазовор бўлди

09:32 / 2025-10-09 570

Ўртаҳисар “Дунёнинг энг гўзал 50 қишлоғи” рўйхатига киритилди

21:13 / 2025-10-08 579

Қора денгиз: яшил гўзаллик ва шифобахш булоқлар маскани

03:19 / 2025-10-05 844

Замонавий сулола: Хитойдаги «МИНГ» ҳукмронлиги тугатилди

03:44 / 2025-09-26 1015

Марғилонда аҳолига сотилган арзон уйлар: имтиёзми ёки тузоқ?

16:05 / 2023-12-06 562 0 Ҳодисалар

Ёшлар сиёсати ва спорт вазирлиги стипендиясини тайинлаш ва тўлаш тартиби белгиланди

Ёшлар сиёсати ва спорт вазирлиги стипендиясини тайинлаш ва тўлаш тартиби тўғрисидаги низом давлат рўйхатидан ўтказилди.

Вазирлик ахборот хизматининг маълум қилишича, ушбу Низомда Ўзбекистон Республикаси Ёшлар сиёсати ва спорт вазирлиги стипендиясини тайинлаш ва тўлаш тартиби белгиланди.

Стипендия ҳар ойлик тўлов шаклида Олимпия ва Паралимпия, Осиё ва Параосиё ўйинлари дастурига киритилган спорт турлари бўйича Ўзбекистон Республикасининг спорт терма жамоалари асосий ёки захира таркибига киритилган ҳамда белгиланган мезонларга мос келувчи спортчиларга тайинланади.

Стипендия Ўзбекистон Республикаси ёшлар сиёсати ва спорт вазирлигида тузиладиган Стипендия комиссияси томонидан тайинланади.

Спорт турларини ривожлантириш республика марказлари ҳамда Ўзбекистон миллий паралимпия қўмитаси ҳар чорак биринчи ойининг 5-санасига қадар белгиланган мезонлар асосида спорт терма жамоалари таркибидаги спортчилардан стипендияга номзодлар рўйхатини тузади ва Стипендия комиссиясига тақдим қилади.

Стипендия комиссияси масъул ижрочилар томонидан тақдим қилинган стипендияга номзод спортчилар рўйхатини ва уларнинг мусобақаларда эришган натижаларини тасдиқловчи ҳужжатларни 15 кун ичида кўриб чиқади.

Стипендия комиссияси йиғилишида умумий овоз бериш йўли билан стипендия тайинлаш ва тўлаш тўғрисида ёки стипендия тайинлашни рад этиш тўғрисида қарор қабул қилинади.

Стипендия бир йил муддат давомида ҳар ой меҳнатга ҳақ тўлаш энг кам миқдорининг 3 баравари миқдорида тўланади.

Стипендия ҳарбийлар ўртасидаги ва талабалар ўртасидаги жаҳон чемпионатларида совриндор бўлганлар учун ҳам тайинланади.