Фарғонада дўкон ёниб кетди
Фарғона шаҳридаги Бозорбоши кўчасида жойлашган савдо дўконида ёнғин келиб чиққан. Бу ҳақида вилоят ИИБ матбуот хизмати хабар берди.
Қайд этилишича, 23 январь куни соат 01:08 да Фарғона шаҳар “Фурқат“ МФЙ, Бозорбоши кўчасида жойлашган савдо дўконида ёнғин содир бўлган.
Ёнғин тегишли куч воситалари ёрдамида ўз вақтида бартараф этилган. Ҳодиса оқибатида тан жароҳати олганлар йўқ.
Мазкур ҳолат юзасидан Фарғона шаҳар ИИО ФМБ ҳузуридаги тергов бўлими ҳамда ФВБ ходимлари томонидан текширув ўтказилмоқда.
«Улашинг»
