Сўнгги янгиликлар
Қибрайликлар оёққа турди. Сабаби нима?
5 минг йиллик тарихга эга Бирги қишлоғи ҳақида нималар маълум?
Изник: насронийликнинг тирик музейи
Анталиянинг яширин хазиналари ҳақида эшитганмисиз?
Анқара замонавий меъморий мероси билан ЮНEСКО рўйхатига киритилди
Хитойда сунъий ёмғир ёғдириш бўйича тажриба ўтказилди
Йўл тор, маршрут қатнови кам, аҳоли эса норози
Сўх тумани аҳолисининг талаби нега қондирилмаяпти?
Тошкентда бир гала қизлар мактабдошини ертўлада «самосуд» қилишди
Ижтимоий тармоқда бир нечта қизлар бошқа қизни дўппослашаётгани акс этган видео тарқалди. Тошкент шаҳар мактабгача ва мактаб таълими бошқармаси ҳолатга муносабат билдирди.
Маълум қилинишича, видеода акс этган воқеа 25 апрель куни тахминан соат 15:00 ларда Шайхонтоҳур тумани «Самарқанд дарвоза» МФЙ Учлола кўчаси 4-уйнинг ертўла қисмида содир бўлган.
Аниқланишича, шу тумандаги 82-сонли умумтаълим мактаби 7-синф ўқувчиси С.С. дугоналари Ч., С., Т. ва Г.лар билан бирга шу мактабнинг 8-синф ўқувчиси К.М.ни дўппослашган ҳамда тасвирга олинган видеони ўзининг Инстаграмъдаги саҳифасига жойлаб тарқатган.Ҳолат юзасидан Шайхонтоҳур тумани ИИО ФМБ ходимлари томонидан тергов-суриштирув ишлари олиб борилмоқда.
“Ҳурматли ота-оналар! Қизларимиз тимсолида Нодирабегим, Увайсий, Зулфияхоним каби сиймоларни кўришга одатланганмиз. Бугунги мактаб ўқувчиси эртага она, бир хонадон бекаси бўлади.
Қизларимиз ўзларининг ибо ва ҳаёси билан гўзал. Афсуски, кейинги пайтларда улар иштирокида содир бўлаётган хунук воқеалар каттаю кичикни бирдек ранжитиб, ташвишлантирмоқда.
Ҳеч бир замонда ўзбек қизларининг бундай аҳволга тушмаганлиги бугун барчамизнинг дилимизни хира қилиб, миллатимиз шаънига доғ бўлмоқда.
Бу эса нафақат педагоглар, балки ота-оналаримиз зиммасига ҳам фарзандларимиз, жумладан, қизларимизнинг тарбиясида катта масъулият юклайди», - дейилади муносабатда.
Изоҳлар 1
