title

Сўнгги янгиликлар

21:05 / 2025-12-05 59

Тошкент йўлларида тирбандликларга қарши янги тизим жорий қилинади

17:36 / 2025-12-05 62

Саида Мирзиёева "ACWA Power" компанияси раиси билан қўшма лойиҳаларни муҳокама қилди

15:21 / 2025-12-04 138

Президент «Сирдарё» ЭИЗдаги йирик корхона фаолияти билан танишди

13:38 / 2025-12-02 225

Президент Жиззахда йўл, АЭС ва шаҳарсозлик лойиҳалари билан танишди

23:03 / 2025-12-01 250

Президент Шавкат Мирзиёев Тошкентда экологик вазиятни яхшилаш бўйича махсус комиссия ҳисоботини тинглади

20:19 / 2025-12-01 228

Ўзбекистонда сунъий интеллект даври бошланмоқда: соғлиқни сақлашдан космосгача кенг кўламли янгиланишлар

22:09 / 2025-11-30 356

Водил санаторияси атрофидаги саволлар: Мурожаатлар ечимсиз, текширувлар шошилинч, прокуратура текшируви суд жараёнига аралашувми: Вазиятдан ким манфаатдор?

14:30 / 2025-11-29 327

Автотранспортлар учун экологик стикерлар бериш тартиби тасдиқланди

10:06 / 2023-03-31 665 0 Сиёсат

Оқ уй АҚШ фуқароларини зудлик билан Россияни тарк этишга чақирди

АҚШ расмийлари Россияда АҚШ фуқароларининг борлигидан хавотирда, деди Оқ уй вакили. Шунингдек Давлат департаменти, ҳибсга олиш хавфи туфайли америкаликларни Россияга саёҳат қилмасликни тавсия қилди.

АҚШ маъмурияти Россияда The Wall Street Journal (WSJ) мухбири Эван Гершкович ҳибсга олинганидан сўнг АҚШ фуқароларини Россияни зудлик билан тарк этишга чақирди.

30 март, пайшанба куни Оқ уй Миллий хавфсизлик кенгашининг стратегик алоқалар бўйича координатори Жон Кирби Америка фуқароларининг Россияда қолиши хавфли эканлигини маълум қилди.

Кирбининг сўзларига кўра, Гершковичнинг ҳибсга олиниши ва унга қарши айбловлар қўйилгани кутилмаган воқеа бўлган.

“Ҳеч қандай олдиндан огоҳлантиришсиз журналист қўлга олинди ва унга нисбатан жиддий чоралар қўлланилди. Айни пайтда АҚШ фуқароларининг ҳибсга олиниши ёки эркин ва мустақил матбуотнинг бостирилиши Россияда янгилик эмас”, — дейди Жон Кирби.

Оқ уй баёнотида айтилишича, Америка фуқароларининг Россия расмийлари томонидан таъқиб қилиниши мумкин эмас.

“Биз Эван Гершковичнинг ҳибсга олинишини кескин қоралаймиз”, — деди Оқ уй матбуот котиби Карин Жан-Пьер.

АҚШ Давлат котиби Энтони Блинкен Гершковичнинг ҳибсга олинишини Россияда оммавий ахборот воситаларига қарши репрессиялар билан боғлади.

“Биз Кремлнинг журналистлар ва фуқаролик жамиятини қўрқитиш, репрессия қилиш ва жазолаш бўйича давом этаётган уринишларини кескин қоралаймиз”, — деди у.

Давлат департаменти, Россияда яшовчи ёки у орқали саёҳат қилаётган америкаликларга мамлакатни зудлик билан тарк этишга чақириғини эслатди.