title

Сўнгги янгиликлар

21:33 / 2025-12-14 48

15 декабрь куни айрим ҳудудларда қор ёғиши кутилмоқда

19:21 / 2025-12-14 43

Ўзбекистонда 860дан ортиқ аёл иштирокида зўравонликка қарши тадқиқот натижалари эълон қилинди

19:32 / 2025-12-13 90

Тадбиркорларга субсидиялар ажратилишини мониторинг қилишнинг янги тартиби жорий этилди

18:19 / 2025-12-13 85

Саида Мирзиёева Римда «Инсоний биродарлик–2026» мукофоти совриндорларини аниқлашда иштирок этди

11:20 / 2025-12-13 108

Паралимпия спорт турлари янада ривожлантирилади

11:12 / 2025-12-13 104

Ахборот технологиялари соҳасида давлат назорати тизими такомиллаштирилади

11:05 / 2025-12-13 110

“Келажак” марказларида ўқиш учун ота-оналар бадали миқдорлари белгиланди

20:02 / 2025-12-12 132

Шарқий Онадўлининг яширин хазиналари: қишки саёҳатлар учун бетакрор манзиллар

07:27 / 2023-03-22 516 0 Сиёсат

Рамазон ойи 23 мартдан бошланади

Ўзбекистон Президенти Шавкат Мирзиёев “Муборак Рамазон ойини муносиб тарзда ўтказиш тўғрисида” қарорни имзолади. Бу ҳақда Президент матбуот хизмати хабар бермоқда.

Унга кўра, 2023 йилги муборак Рамазон ойининг бошланиши 23 март кунига тўғри келиши ҳақидаги Ўзбекистон мусулмонлари идорасининг ахбороти маълумот учун қабул қилинди.

“Кейинги йилларда мамлакатимизда “Инсон қадри учун” деган эзгу ғоя асосида ҳар бир фуқаро эркин ва фаровон яшайдиган Янги Ўзбекистонни барпо этиш мақсадида халқимизнинг азалий орзу-интилишларига ҳамоҳанг ва уйғун ҳолда кенг кўламли ислоҳотлар олиб борилмоқда.

Олдимизга қўйган бундай улуғвор вазифани амалга оширишда биз энг аввало қадимий тарихимиз ва бой маданиятимизга, юксак инсонпарварлик тамойилларини ўзида мужассам этган миллий ва диний қадриятларимизга таянишимиз табиийдир.

Айниқса, эл-юртимиз доимо орзиқиб, катта хурсандчилик билан кутиб оладиган, жамиятимизда тинчлик, дўстлик, меҳр-оқибат ва бағрикенглик муҳитини мустаҳкамлашга хизмат қиладиган муқаддас Рамазон ойининг бу борада алоҳида ўрни ва аҳамияти борлигини таъкидлаш лозим”, — дейилади қарорда.

Шунингдек, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Дин ишлари бўйича қўмита ва ҳамкор ташкилотлар билан биргаликда Рамазон ойини миллий анъана ҳамда қадриятларга мос ва муносиб тарзда ўтказишга доир чора-тадбирларни амалга ошириш вазифаси қўйилди.

Бундан ташқари ҳудудларда Рамазон ойининг мазмун-моҳиятида мужассам бўлган одамийлик, инсон шаънини улуғлаш, яхшилик ва меҳру саховат каби фазилатларни намоён этадиган, бугунги тинч ва осойишта ҳаётимизни қадрлаш, оила ва маҳаллаларда, бутун юртимизда меҳр-оқибат, ўзаро ҳурмат муҳитини мустаҳкамлаш, кам таъминланган, ижтимоий ҳимояга муҳтож кишиларни ҳар томонлама қўллаб-қувватлашга қаратилган тадбирларни ташкил этишга алоҳида эътибор қаратиш ҳам белгиланди.

Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчиси М.М. Камилов зиммасига юкланди.