Сўнгги янгиликлар
Истанбул 18–21 сентябрда Босфор Кубоги 2025 қайиқлар пойгасига мезбонлик қилади
Ҳамюртимиз “Юксак эҳтиром” халқаро эсдалик кўкрак нишони билан тақдирланди
Фарғона деҳқон бозоридаги нарх-навo халқ учунми ёки…
Сентябрдан бошлаб мигрантлар илова орқали кузатилади
Касб ва хорижий тилларга ўқитиш учун ваучер бериш тартиби белгиланди
Касб ва хорижий тилларга ўқитиш учун ваучер бериш тартиби белгиланди
Фарғонада уй боғчасида 43 нафар болага ноқонуний диний сабоқ бериб келингани аниқланди
Ўзбекистон ва Иордания ўртасида 15 та ҳужжат имзоланди
ИШИД Туркия ва Суриядаги зилзилалардан фойдаланиб қолиши мумкин
Зилзилалар фонида ИШИД ўз режаларини амалга ошириш, қотиллик, қасос олиш ҳамда тартибсизлик ва терроризмни тарқатиш учун имконият топиши мумкин.
Туркия жануби ва Сурия шимоли-ғарбида содир бўлган зилзилалар ушбу ҳудудларда ИШИД террорчилик гуруҳи жангариларининг фаоллашишига олиб келиши мумкин, деди Иордания армиясининг истеъфодаги бригада генерали Ауда ал-Шудейфат РИА Новостига.
“Зилзила Туркия ва Суриянинг кенг ҳудудларида содир бўлди. Ушбу ҳодисаларни мавжуд воситалар, оммавий ахборот воситалари, таҳлиллар ва топилмалар орқали кузатиш бу ҳудудларда жуда кенг тарқалган ИШИД ҳаракатларини кўрсатади. Улар дунё зилзила оқибатлари ва урушлар билан банд бўлганини ҳисобга олиб, бемалол ҳаракат қилмоқда”, — деди ал-Шудайфат.
Собиқ Иордания армияси аъзосининг фикрича, зилзилалар фонида ИШИД ўз режаларини амалга ошириш, қотиллик, қасос олиш ҳамда тартибсизлик ва терроризмни тарқатиш учун имконият топади.
“Ихтисослашган лагерларда ўсган ИШИД жангариларининг ўғиллари тарқалиши, қочиши, зилзила оқибатида бошпанасиз қолган одамлар орасига яширинишлари, уларнинг эҳтиёжлари ва шароитларидан фойдаланиш учун қулай имконият топиши мумкин”, — деди ал-Шудайфат.
Эслатиб ўтамиз, ўтган ҳафта Суриянинг Хомс вилоятида ИШИД жангариларининг ҳужуми оқибатида 50 дан ортиқ қўзиқорин терувчи ҳалок бўлди.
6 февраль куни Туркия жануби-шарқидаги Қаҳраманмараш вилоятида 7,7 ва 7,6 магнитудали зилзилалар тўққиз соатлик интервал билан содир бўлди. Охирги маълумотларга кўра, 41 мингдан ортиқ одам ҳалок бўлган.
