Сўнгги янгиликлар
Қибрайликлар оёққа турди. Сабаби нима?
5 минг йиллик тарихга эга Бирги қишлоғи ҳақида нималар маълум?
Изник: насронийликнинг тирик музейи
Анталиянинг яширин хазиналари ҳақида эшитганмисиз?
Анқара замонавий меъморий мероси билан ЮНEСКО рўйхатига киритилди
Хитойда сунъий ёмғир ёғдириш бўйича тажриба ўтказилди
Йўл тор, маршрут қатнови кам, аҳоли эса норози
Сўх тумани аҳолисининг талаби нега қондирилмаяпти?
Вайроналар остида 47 соат жон сақлаган 6 ёшли бола ва ака-сингиллар қутқариб олинди
Кеча зилзиладан сўнг, 29 соат вайроналар остида қолиб кетган 6 ойлик чақалоқ ва унинг онаси қутқарилган эди.
Туркиянинг жануби-шарқидаги Шанлиурфа шаҳрида олиб борилган қидирув-қутқарув ишлари доирасида вайроналар остидан 47 соат ўтиб олти ёшли бола қутқариб олинди. Бу ҳақда Anadolu агентлиги хабар бермоқда.
Маълум бўлишича, Аҳмет Аяз Абақ исмли бола Янгишеҳир маҳалласида қулаган беш қаватли бино вайроналари остидан қутқарилган. Болага биринчи тиббий ёрдам кўрсатилиб, касалхонага ётқизилган.
Шунингдек, Туркия жанубидаги Ҳатай вилоятининг Антакя вилоятида зилзиладан 46 соат ўтиб кўнгиллилар 10 ёшли Али Муллаўғли ва унинг 15 ёшли синглиси Зейнеп Муллаўғлини вайроналар остидан қутқариб олди.
Қайд этиш керак, кеча зилзиладан сўнг, 29 соат вайроналар остида қолиб кетган 6 ойлик чақалоқ ва унинг онаси қутқарилган эди.
Эслатиб ўтамиз , 6 февраль, душанба куни Туркиянинг жануби-шарқида (маҳаллий вақт билан 04.17 да – 7,7 балл ва 13.24 да – 7,6 балл) магнитудаси етти баллдан ортиқ бўлган иккита зилзила содир бўлди.
Эпицентр Туркиянинг Қаҳраманмараш вилояти, содир бўлган икки вайронкор зилзила қурбонлари сони 7108 кишига етди, 40910 киши жароҳат олди. Эрдоған Туркияда табиий офат қурбонлари муносабати билан етти кунлик миллий мотам эълон қилди.
