Сўнгги янгиликлар
Давлат олий таълим муассасалари учун тўрт йиллик қабул квоталари белгиланди
Турк Ривиерасининг “жонли” шаҳарлари ҳақида эшитганмисиз?
Юлдуз Усмонованинг қўшиғини куйлаган хонанда жаримага тортилди
Тошкентда «Lacetti» ва «Tracker» тўқнашуви оқибатида бир нафар пиёда вафот этди
Академик лицейларга кириш тест синовлари ўтказилиш санаси ва вақти аниқ бўлди
Янги ўқув йилидан бошлаб В2 сертификати мавжуд бўлмаган хорижий тил ўқитувчилари ишлан бўшатилади(ми?) Сертификат машмашаси қачон тугайди?!
Тошкентдаги кўчалардан бири 1 ойга ёпилди
Истанбулдан Тошкентга учган самолётда чақалоқ дунёга келди
«Коррупцияга қарши курашиш сиёсатига зид ҳаракат» – ССВ вазирининг сўзларига қарши баёнот берилди
Амрулло Иноятов Соғлиқни сақлаш тизимида 2023 йил “Коррупцияга қарши курашиш йили” деб эълон қилганди.
Ижтимоий тармоқларда Соғлиқни сақлаш вазири Амрулло Иноятов шифокорлар билан очиқчасига суҳбатлашгани акс этган видео тарқалди.
Унда Иноятов шифокорлардан бирига беморларга меҳр билан қаралса, рози бўлиб “баракаси”ни бериб кетиши ҳақида гапирган. Соғлиқни сақлаш вазирининг ушбу сўзлари юзасидан Коррупцияга қарши курашиш агентлиги Жамоатчилик кенгаши баёнот берди.
“Соғлиқни сақлаш тизимида коррупцияни камайтириш Соғлиқни сақлаш вазирлиги, Коррупцияга қарши курашиш агентлиги, кенг жамоатчиликнинг, хусусан, Агентлик ҳузуридаги Жамоатчилик кенгашининг кун тартибидаги асосий масалалардан бири бўлиб турибди.
Жамоатчилик кенгаши Соғлиқни сақлаш вазирлиги раҳбариятининг коррупциянинг олдини олиш бўйича бошлаган ишларини қўллаб-қувватлайди.
Шу билан бирга, шифокорларни рағбатлантириш йўлларидан бири сифатида беморлар берган маблағнинг эътироф этилишини қонунчиликка ва мамлакатда олиб борилаётган коррупцияга қарши курашиш сиёсатига зид ҳаракат сифатида қайд этади.
Мазкур таклиф тизимда коррупциявий жиноятлар сонининг ортишига ҳамда шифокор касби мавқеининг пасайишига, соғлиқни сақлаш тизимига халқнинг ишончи камайишига сабаб бўлади.
Жамоатчилик кенгаши шифокорларни рағбатлантиришда беморлардан пул олиш сингари (ихтиёрий ёки ихтиёрий эмаслигидан қатъий назар) ноқонуний хатти-ҳаракатларни бартараф этиш ҳамда ҳақ тўлашнинг тоифаланган механизмини жорий этиш Соғлиқни сақлаш вазирлигининг асосий мақсади бўлиши лозимлигини билдиради”, — дейилади баёнотда.
Қайд этиш жоиз, Амрулло Иноятов Соғлиқни сақлаш тизимини 2023 йил “Коррупцияга қарши курашиш йили” деб эълон қилганди.
