title

Сўнгги янгиликлар

19:21 / 2025-12-14 30

Ўзбекистонда 860дан ортиқ аёл иштирокида зўравонликка қарши тадқиқот натижалари эълон қилинди

19:32 / 2025-12-13 83

Тадбиркорларга субсидиялар ажратилишини мониторинг қилишнинг янги тартиби жорий этилди

18:19 / 2025-12-13 76

Саида Мирзиёева Римда «Инсоний биродарлик–2026» мукофоти совриндорларини аниқлашда иштирок этди

11:20 / 2025-12-13 100

Паралимпия спорт турлари янада ривожлантирилади

11:12 / 2025-12-13 97

Ахборот технологиялари соҳасида давлат назорати тизими такомиллаштирилади

11:05 / 2025-12-13 103

“Келажак” марказларида ўқиш учун ота-оналар бадали миқдорлари белгиланди

20:02 / 2025-12-12 124

Шарқий Онадўлининг яширин хазиналари: қишки саёҳатлар учун бетакрор манзиллар

19:46 / 2025-12-12 130

Экоҳудудларда туристик сўқмоқларни ташкил этиш тартиби белгиланди

18:45 / 2023-02-01 503 0 Сиёсат

Президент Андижондаги маҳалла ҳаётини кўздан кечирди

Президент Садда таги маҳалласида яшовчи Диёр Мамадалиевнинг хонадонида меҳмон бўлиб, вилоятда йиғма уйларни кўпайтириш бўйича тавсия берди.

Президент Шавкат Мирзиёев Андижон туманидаги Садда таги маҳалласида бўлиб, аҳоли турмуши билан яқиндан танишди.

Маълум бўлишича, бу маҳаллада 3 минг 600 нафардан ортиқ аҳоли яшайди. Оилалар ердан унумли фойдаланишнинг ҳадисини олган.

Кейинги йилларда “Ҳар бир оила – тадбиркор” дастури асосида паррандачилик, узумчилик, иссиқхоналар ташкил этилмоқда. Шунингдек, маҳалла ҳудудида тўқимачилик корхонаси, озиқ-овқат дўконлари ва устахоналар бор.

Аҳоли бандлигини таъминлаш, ёшларнинг бўш вақтини самарали ўтказиш бўйича қилинаётган ишлар бу маҳалла ҳаётида ҳам сезилмоқда. Буни маҳаллада ишсизлик камлиги, ўтган йили бирорта ҳам жиноят бўлмаганида ҳам кўриш мумкин.

Президент шу ерлик Диёр Мамадалиев хонадонида меҳмон бўлиб, мезбонларни янги уйлар билан муборакбод этди. Маълумки, Андижон вилоятида аҳоли зич жойлашган.

Уй-жойга талаб катта. Жумладан, Мамадалиевлар уйида ҳам беш оила яшаётганди. Шу боис хонадон ҳовлисида тажриба тариқасида йиғма уйлар қурилди. Улар камхарж, иссиқ-совуқ ва ёнғинга чидамли, қуриш ҳам осон.

“Уй инсоннинг энг асосий эҳтиёжларидан бири. Ҳам давлат, ҳам тадбиркорлар томонидан кўплаб турар жойлар қурилаётгани халқимиз манфаатини таъминлаяпти. Танлов имкониятини кенгайтириш учун, эҳтиёжмандлар учун бундай арзон уйлар ҳам керак”, - деди Шавкат Мирзиёев.