title

Сўнгги янгиликлар

13:30 / 2025-10-15 320

Ёмғир керак: Табиат ва инсон ўртасидаги мувозанат издан чиқмоқда

13:19 / 2025-10-15 329

Президент Мирзиёев Саудия Арабистони делегациясини қабул қилади ва “Янги Тошкент” аэропорти қурилишига старт беради

13:03 / 2025-10-15 307

Каппадокия 17-19 октябрда “Salomon Cappadocia Ultra-Trail” югуриш пойгасига мезбонлик қилади

12:45 / 2025-10-13 377

Ўзбекистон павильони Осака EXPO–2025 кўргазмасида олтин медалга сазовор бўлди

09:32 / 2025-10-09 574

Ўртаҳисар “Дунёнинг энг гўзал 50 қишлоғи” рўйхатига киритилди

21:13 / 2025-10-08 583

Қора денгиз: яшил гўзаллик ва шифобахш булоқлар маскани

03:19 / 2025-10-05 848

Замонавий сулола: Хитойдаги «МИНГ» ҳукмронлиги тугатилди

03:44 / 2025-09-26 1019

Марғилонда аҳолига сотилган арзон уйлар: имтиёзми ёки тузоқ?

10:03 / 2023-01-19 375 1 Жамият

«Док-1 Макс»дан вафот этган болаларнинг оиласига компенсация тўлаб берилиши мумкин

Соғлиқни сақлаш вазири ўринбосари дори воситасидан вафот этган болаларнинг оиласига компенсация тўланиши мумкинлигини айтди, бироқ...

“Док-1 Макс” қабул қилганидан кейин фарзандлари вафот этган оилаларга компенсация пуллари тўлаб берилиши мумкин. Бу ҳақда Соғлиқни сақлаш вазири ўринбосари Элмира Боситхонова маълум қилди.

Боситхонованинг айтишича, токсикологик заҳарланиш кузатилган болаларнинг айнан “Док-1 Макс” қабул қилиб, вафот этгани текширувларда исботлансагина компенсация пуллари тўлаб берилади. Ҳозирда тергов ҳаракатлари олиб борилмоқда.

Ҳиндистон ҳукумати томонидан Ўзбекистонда 20 нафар болалар ўлимига сабаб бўлган “Док-1 Макс” дори воситасининг ишлаб чиқарувчиси — “Marion Biotech” компаниясининг лицензияси тўхтатилган. Жумладан, “Док-1 Макс” дори воситасини мамлакатга олиб кирган “QURAMAX MEDIKAL” МЧЖнинг ҳам лицензияси бекор бўлди.

Қайд этиш жоиз,“Ўзфарм” агентлиги томонидан партияда этилен гликол борлиги, бу тиббий қоидаларда кўрсатилган меъёрдан 300 баравар юқори эканлиги ҳақида маълум қилинган.

Шунингдек, “Quramax medical” МЧЖ, “Дори воситаларини стандартлаштириш илмий маркази” МЧЖ мансабдор шахсларига нисбатан ЖКнинг 186 моддаси билан жиноят иши қўзғатилиб, тергов ҳаракатлари олиб борилмоқда.