Сўнгги янгиликлар
«Ўқитувчиларга имтиёзли автокредит орқали автомобилларни сотишга тайёрмиз» – «Ўзавтосаноат»
Айдар–Арнасой кўллар тизими – кимнинг тизгинида?
ССП раиси ўринбосари Нодира Шотурсунова Наманганда фаол ва ташаббускор аёл тадбиркорлар билан учрашди
Сторителлинг ва мутолаанинг инсон ривожидаги ўрни...
Парламентда Нукус воқеалари бўйича тузилган комиссия ахбороти тингланди
Навоийга Монголиядан 1000 бошга яқин Баят зотига мансуб қўйлар олиб келинди
Фаоллар айтаётган “иқтидор” эгаси оддий “Виртуал валютачи” бўлган...
Рустам Минниханов бошчилигидаги Татаристон делегацияси Навоий вилоятига ташриф буюрди
Тошкентдаги газ ва свет муаммоларини бартараф этиш учун бир ҳафта вақт керак
Тошкент шаҳар ҳокимлигида Президентнинг жиддий танқидидан келиб чиқиб, вазифалар белгилаб олинди. Бу ҳақда шаҳар ҳокимлиги матбуот хизмати хабар бермоқда.
Таъкидланишича, 16 январь куни Тошкент шаҳар ҳокимлигида шаҳар ҳокими вазифасини бажарувчи Бахтиёр Раҳмонов бошчилигида кенгайтирилган йиғилиш бўлиб ўтган.
Шаҳар ҳокими ўринбосарлари, шаҳар ва туман секторлари раҳбарлари, бош бошқарма ва бошқарма бошлиқлари, ташкилотлар масъуллари иштирок этган мажлисда жорий йилнинг 16 январь куни Президент ҳузурида энергия ресурслари таъминоти юзасидан ўтказилган йиғилишда Тошкент шаҳар ҳокимлиги раҳбарларига билдирилган жиддий танқид ва эътирозлардан келиб чиқиб, вазифалар белгилаб олинган.
Президент томонидан қайд этилган барча камчиликлар, аввало, бугунги кунда долзарб бўлган электр энергияси ва газ таъминотидаги узилишларни бартараф этишга асосий эътибор қаратилган.
Бир ҳафта мобайнида барча туманлардаги маҳаллаларда аҳолининг табиий газ ва электр энергиясига бўлган эҳтиёжини қондириш, содир бўлаётган узилишларни қисқа вақт ичида бартараф этиш вазифалари белгилаб олинган.
“Бунинг учун мутасаддиларга ишга жиддий киришиш, бор имкониятлардан оқилона фойдаланиш, қўшимча кучларни жалб этиш топшириғи берилган”, дейилади ҳокимлик хабарида.
Эслатиб ўтамиз, Тошкентни 5 йил бошқарган ҳоким Жаҳонгир Ортиқхўжаевни бугун президент ишдан олди. Давлат раҳбари Ортиқхўжаев ҳақида шундай деган:
“Қуруқ гап, ёлғон сводка билан пастга тушмагани учун, ноинсоф оёғи ердан узилгани сабаб ишдан бўшатдим, деган Президент.
Маълумот ўрнида, Ортиқхўжаев ўрнига Тошкент шаҳар ҳокимининг биринчи ўринбосари Бахтиёр Раҳмонов Тошкент шаҳар ҳокими вазифасини бажарувчи, Бош прокурор ўринбосари Эркин Йўлдошев шаҳар прокурори этиб тайинланди.
.jpg)