So`ngi yangiliklar
Samarqandda harakatlanayotgan Tracker-2 yonib ketdi
Ertaga qanday ob-havo boʻladi?
“Toshshahartransxizmat”ning sobiq rahbari qamoqdan ozod etildi
Davlat oliygohlari uchun kvotalar tasdiqlandi
Oʻzbekistonda oʻrtacha oylik maosh 6 mln soʻmga yaqinlashdi
Ikki viloyatda oʻqishga kiritib qoʻyish uchun pora olganlar ushlandi
Avtosugʻurta narxi kamida 4 barobar oshiriladi
Toshkentdagi avariyada 20 yoshli haydovchi halok boʻldi
Fargʻonada gaz balloni portlagan Lacetti haydovchisi 3-yilga qamaldi
Fargʻona viloyatining Rishton tumanida gaz balloni portlashi tufayli Lacetti haydovchisi 3-yilga ozodlikdan mahrum qilindi.
Voqea 2024-yilning 7-iyul kuni soat 11:40 larda sodir boʻlgan. Rishton tumanining “Markaz” MFY hududidagi dehqon bozori oldida turgan Lacetti avtomashinasining metan gaz balloni portlab ketgan.
Portlash vaqtida mashina ichida hech kim boʻlmagan, dastlabki maʼlumotga koʻra, portlash oqibatida avtomobil atrofidagi 20 ga yaqin kishi turli darajada tan jarohati olgan. Portlash ortidan kelib chiqqan yongʻin zudlik bilan bartaraf etilgan.
Oʻshanda Lacetti egasi avtomashinasini dehqon bozori hududiga toʻxtatib, oʻzi savdo qilish uchun bozorga kirib ketgan. Portlash oqibatida shu atrofda boʻlgan fuqaro A.A. tan jarohati olib, koʻrsatilgan tibbiy muolajalarga qaramasdan vafot etgan.
Holat yuzasidan Jinoyat ishlari boʻyicha Rishton tuman sudida boʻlib oʻtgan sudda haydovchi Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) 2-qismi bilan aybli deb topildi va 3-yil muddatga transport vositalarini boshqarish huquqidan mahrum qilingan holda 3-yilga qamaldi.
Bundan tashqari, haydovchidan jabrlanuvchilar foydasiga 26 million soʻm moddiy, 58 million soʻm maʼnaviy zarar undirish belgilandi.
