“Kelajak” markazlarida o‘qish uchun ota-onalar badali miqdorlari belgilandi

Hukumatning 2025 yil 10 dekabrda qabul qilingan 776-son qarori bilan “Kelajak” markazlarida o‘qiganlik uchun ota-onalar badalini undirish va undan foydalanish tartibi tasdiqlandi. Unga ko‘ra, to‘lov miqdorlari hududlar kesimida BHMga nisbatan belgilanadi va 2026 yildan bosqichma-bosqich joriy etiladi.

Hukumat qaroriga muvofiq, “Kelajak” markazlarida o‘qiganlik uchun oylik ota-onalar badali quyidagi miqdorlarda belgilandi:

2026 yil 1 yanvardan: – Toshkent shahrida — BHMning 30 foizi
– Viloyatlar markazlarida — 25 foizi
– Respublikaning qolgan tuman (shahar)lari, shuningdek Qoraqalpog‘iston Respublikasining Nukus shahri va Xorazm viloyatining Urganch shahrida — 15 foizi
– Qoraqalpog‘iston Respublikasi va Xorazm viloyatining qolgan tuman (shahar)larida — 10 foizi

2026 yil 1 sentyabrdan: – Toshkent shahrida — BHMning 60 foizi
– Viloyatlar markazlarida — 50 foizi
– Respublikaning qolgan tuman (shahar)lari, Nukus va Urganch shaharlarida — 30 foizi
– Qoraqalpog‘iston Respublikasi va Xorazm viloyatining qolgan tuman (shahar)larida — 20 foizi

Qaror bilan tasdiqlangan nizomga ko‘ra, joriy oy uchun to‘lov har oyning 10-sanasiga qadar amalga oshirilishi lozim. Sentyabr oyi uchun to‘lov esa 30-sanaga qadar to‘lanadi.

Shuningdek, quyidagi toifadagi o‘quvchilar ota-onalar badalini to‘lashdan ozod etiladi:
– “Kambag‘al oilalar reyestri”ga kiritilgan oilalar farzandlari (ta’lim oluvchilar umumiy sonining 15 foizi doirasida)
– Alohida ta’limga ehtiyoji bo‘lgan bolalar uchun ixtisoslashtirilgan maktab va maktab-internat o‘quvchilari
– Yetim va ota-ona qaramog‘idan mahrum bo‘lgan bolalar, shuningdek umumiy o‘rta ta’lim tashkilotlarining inklyuziv sinflarida ta’lim olayotgan alohida ta’lim ehtiyojlari bo‘lgan o‘quvchilar

“Effect.uz”ни “Telegram”да кузатинг

“Effect.uz”ни “Facebook”да кузатинг

“Effect.uz”ни “YouTube”да кузатинг

Effect.uz'ни Инстаграмда кузатинг