So`ngi yangiliklar
“Elektron retsept” tizimi orqali davolash xavfsizligi va dori taqsimoti nazorat qilinadi
Asossiz tekshiruvlarni cheklaydigan yangi tartiblar joriy etildi
O‘zbekistonda IELTS 9 ball olgan abituriyentlar soni 5 yilda 47 barobarga oshdi
2026 yildan savdo va xizmat ko‘rsatuvchilar uchun yagona QR-kodli to‘lov tizimi majburiy bo‘ladi
Naqdsiz to‘lovlar majburiy tartibda kengaytiriladi
Qishloq xo‘jaligi sug‘urtasi jamg‘armasi faoliyati rasman tartibga solindi
Paxtachilik va g‘allachilikda intensiv texnologiyalar joriy etiladi: 2026 yil uchun yangi maqsadlar belgilandi
Chiqindidan qarzdor abonentlar uchun elektr to‘lovi vaqtincha to‘xtatildi
Naqdsiz to‘lovlar majburiy tartibda kengaytiriladi
Prezidentning yangi farmoniga ko‘ra, bir qator xizmatlar va yirik xaridlar bo‘yicha to‘lovlar 2026 yil 1 apreldan faqat bank kartalari va elektron to‘lov tizimlari orqali amalga oshiriladi.
“Naqdsiz hisob-kitoblarni ommalashtirish va yashirin iqtisodiyot ulushini qisqartirishga qaratilgan qo‘shimcha chora-tadbirlar to‘g‘risida”gi Prezident farmoni (PF–246-son, 10.12.2025 y.) qabul qilindi.
Farmonda 2030 yilgacha yashirin iqtisodiyotni qisqartirish bo‘yicha quyidagi maqsadli ko‘rsatkichlar belgilandi:
— yalpi ichki mahsulotga nisbatan kuzatilmaydigan iqtisodiyot ulushini 1,3 baravarga kamaytirish;
— savdo va xizmat ko‘rsatish sohalarida aholi tomonidan naqd pulsiz to‘lovlar ulushini 75 foizga yetkazish.
2026 yil 1 apreldan esa qator to‘lovlar faqat bank kartalari yoki elektron to‘lov orqali amalga oshiriladi. Ular qatoriga:
— davlat organlari xizmatlari;
— elektr energiyasi, gaz va ichimlik suvi uchun to‘lovlar;
— alkogol va tamaki mahsulotlari xaridlari;
— AGTKSHlarda yoqilg‘i va elektr zaryadlash xizmatlari;
— qiymati 25 mln so‘mdan yuqori tovar va xizmatlar;
— ko‘chmas mulk va 10 yildan oshmagan transport vositalarini sotish-sotib olish kiradi.
Farmon naqdsiz to‘lovlar ulushini oshirish orqali iqtisodiyotdagi shaffoflikni kuchaytirishni maqsad qiladi.
.jpg)
