So`ngi yangiliklar
“Afsuski, ayrim “Ishonch telefonlari” nomiga tashkil qilingan yoki umuman ishlamaydi” – Akmal Burxonov
“Bosim oʻtkazilayotgani toʻgʻrisidagi xabarlar asossiz” – “Oʻzbektelekom” HUMANS ishi boʻyicha munosabat bildirdi
Oʻzbekistonning veterinariya sohasidagi tajribasi xalqaro miqyosda eʼtirof etildi
Turkiyada “Tungi muzeylar” loyihasi iyun oyida yangi mavsumini boshlaydi
Oʻzbekistonga C gepatitiga qarshi dorining joriy yildagi ilk partiyasi olib kelindi
Qibrayliklar oyoqqa turdi. Sababi nima?
5 ming yillik tarixga ega Birgi qishlogʻi haqida nimalar maʼlum?
Iznik: nasroniylikning tirik muzeyi
Qashqadaryoda profilaktika inspektori pichoqlandi
Ijtimoiy tarmoqlarda Qashqadaryo viloyati Qamashi tumanida erkak oilaviy janjalni toʻxtatmoqchi boʻlgan profilaktika inspektorini pichoqlagani haqida xabarlar tarqaldi.
Bosh prokuratura matbuot kotibi Hayot Shamsutdinovning maʼlum qilishicha, ayblanuvchiga nisbatan Jinoyat kodeksining 219-moddasi (Hokimiyat vakiliga yoki fuqaroviy burchini bajarayotgan shaxsga qarshilik koʻrsatish) bilan jinoyat ishi qoʻzgʻatilgan.
“Gumonlanuvchi shaxs protsessual tartibda ushlangan, hozirda tergov harakatlari davom etmoqda”, deb yozadi Shamsutdinov.
IIV Jamoat xavfsizligi departamentining holatga oydinlik kiritishicha, hodisa er va xotin oʻrtasidagi janjaldan boshlangan. Ayol eri bilan yashamasligini bildirib, oʻz uyiga ketmoqchi boʻlgan. Ammo er bunga qarshilik qilib, janjal chiqargan va farzandini qoʻliga olib, agar ayoli ketib qolsa, oʻzini va farzandini oʻldirishini aytib, tahdid qilgan.
Ayol esa IIOga qoʻngʻiroq qilib, yordamga chaqirgan. Voqea joyiga bir profilaktika inspektorlari kelib, erkakning qoʻlidagi pichoqni olib qoʻyishga harakat qilgan. Shu vaqtda erkak xodimlardan birining kurak qismiga pichoq sanchib olgan.
Tan jarohati bilan shifoxonaga murojaat qilgan profilaktika inspektori hozirgi kunda sogʻligʻi yaxshi ekani va shifokorlar kerakli yordam koʻrsatganini bildirgan.
