title

So`ngi yangiliklar

18:17 / 2025-12-10 67

Navoiyda qishloq xo‘jaligi xodimlari taqdirlandi

22:27 / 2025-12-09 152

Ayrim hududlarda davlat organlarida kadrlar rotatsiyasi tizimi joriy etiladi

15:44 / 2025-12-09 161

Andijon viloyati hokimiga yangi o‘rinbosarlar tayinlandi

13:44 / 2025-12-09 164

Humans ilovasida yuz bergan ruxsatsiz pul yechish holatlari bo‘yicha Markaziy bank rasmiy bayonot berdi

13:14 / 2025-12-09 118

Fuqarolar va tadbirkorlar uchun ijtimoiy nafaqa va sug‘urta tizimi yangi bosqichga ko‘tarildi

12:52 / 2025-12-09 120

“Tamakini emas, hayotni tanlang!” – "Toshkent-AERO" ixtisoslashtirilgan bojxona kompleksi

15:51 / 2025-12-09 164

Toshkentda xususiy klinikada burun operatsiyasi vaqtida 31 yoshli erkak vafot etdi

10:28 / 2025-12-09 132

Sirdaryo viloyati hokimiga o‘rinbosar tayinlandi

13:31 / 2024-11-06 291 0 Siyosat

Orinbayev Amanbay Tleubayevich Qoraqalpogʻiston Respublikasi Joʻqorgʻi Kengesining Raisi etib saylandi. Farhod Ermanov Vazirlar Kengashi raisi etib tayinlandi

Bugun, 6-noyabr kuni Qoraqalpogʻiston Respublikasi Joʻqorgʻi Kengesining birinchi sessiyasi boʻlib oʻtdi.

Sessiyada deputatlar, jamoatchilik vakillari, vazirlik, idora rahbarlari hamda ommaviy axborot vositalari vakillari ishtirok etishmoqda.

Aytish joiz, 30-oktyabr kuni eʼlon qilingan Joʻqorgʻi Kengesga saylov natijalariga koʻra, deputatlar tarkibi 63 foizga yangilandi.

Kun tartibida Qoraqalpogʻiston Respublikasi Joʻqorgʻi Kengesidagi siyosiy partiyalar fraksiyalarini roʻyxatga olish toʻgʻrisidagi masala koʻrib chiqildi. Deputatlar bu boʻyicha tegishli qaror qabul qildi.

Bundan soʻng Qoraqalpogʻiston Respublikasi Joʻqorgʻi Kengesi Raisini saylash toʻgʻrisidagi masala koʻrib chiqildi.

Qoraqalpogʻiston Respublikasi Joʻqorgʻi Kengesining birinchi sessiyasida saylangan Oqsoqollar kengashining majlisi oʻtkazilib, unda Qoraqalpogʻiston Respublikasi Joʻqorgʻi Kengesining Raisi lavozimiga 57-sonli “Berdaq” saylov okrugidan deputat Orыnbayev Amanbay Tleubayevich nomzodi tavsiya etildi.

Oʻzbekiston Respublikasi Prezidentining roziligi bilan sessiyada yashirin ovoz berish yoʻli bilan 57-sonli “Berdaq” saylov okrugidan deputat Orыnbayev Amanbay Tleubayevich Qoraqalpogʻiston Respublikasi Joʻqorgʻi Kengesining Raisi etib saylandi. Deputatlar bu boʻyicha tegishli qaror qabul qildi.

Bundan soʻng Qoraqalpogʻiston Respublikasi Vazirlar Kengashi Raisi toʻgʻrisidagi masala koʻrib chiqildi.

Sessiyada Qoraqalpogʻiston Respublikasi Vazirlar Kengashi Raisi lavozimiga F.Ermanov nomzodi taqdim etildi. Oʻzbekiston Respublikasi Prezidenti bilan kelishilgan holda sessiyada F.Ermanov Qoraqalpogʻiston Respublikasi Vazirlar Kengashi Raisi etib tayinlandi. Deputatlar bu boʻyicha tegishli qaror qabul qildi.