So`ngi yangiliklar
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
Bugun havo yanada sovishi kutilmoqda
Media mahsulotlarini “ma’naviy ekspertiza”dan o‘tkazishni joriy etish to‘g‘risidagi qaror bekor qilindi
AQSH Xitoy bilan urushga tayyorlanmoqda – NYT
AQSH armiyasi Ukraina urushi tajribasini oʻrganib, Xitoy bilan ehtimoliy mojaroga tayyorgarlik koʻrmoqda. Bu haqda The New York Times (NYT) xabar berdi.
Nashrning qayd etishicha, AQSH va Xitoy oʻrtasida urush boʻlishi ehtimoli ortib bormoqda. Gazetaning taʼkidlashicha, ayni paytda Amerika armiyasi katta va qoʻpol. Bundan tashqari, soʻnggi yigirma yil ichida u birinchi navbatda Yaqin Sharqdagi mojarolarda qatnashdi. Biroq, AQSHning Yaqin Sharqdagi dushmanlaridan farqli oʻlaroq, Xitoy sunʼiy yoʻldoshlariga ega, ular tufayli Xitoy armiyasi potensial dushmanning shakllanishini muvaffaqiyatli kuzatib borishi mumkin.
NYTʼning yozishicha, AQSH prezidenti lavozimiga nomzodlar respublikachi Donald Tramp va demokrat Kamala Xarris Ukraina mojarosiga boshqacha yondashadi. Biroq, ikkalasi ham Xitoy bilan mumkin boʻlgan urushga tayyorgarlik koʻrish saʼy-harakatlarini kuchaytiradi.
Gavaida oʻtkazilgan mashgʻulotlar Tinch okeanida yuzaga kelishi mumkin boʻlgan mojaroga tayyorgarlik koʻrishga bagʻishlangan. Amerika qoʻshinlari Ukraina urushi hududidagi harbiy amaliyotlarni ham oʻrgangan. Masalan ular kichik sabotaj guruhlarning oʻzaro taʼsirini va dushman muzokaralarni toʻxtata olmasligi uchun aloqa vositalaridan foydalanishni faol mashq qilgan.
Gazetaning yozishicha, Osiyo-Tinch okeani mintaqasidagi qarama-qarshiliklar tugunlari Tayvan muammosiga bogʻliq. Harbiy ekspertlar orolning Amerika armiyasi yordamisiz muvaffaqiyatli himoya qilinishini dargumon deb hisoblamoqda. Biroq, amerikalik siyosatchilar Qoʻshma Shtatlar Tayvanni qoʻllab-quvvatlamasa, u oʻz hukmronligini saqlab qola olmaydi, deb qoʻrqishadi.
Tayvan 1949-yildan beri oʻz maʼmuriyati tomonidan boshqariladi. Oʼshanda Chiang Kay-shi (1887-1975) boshchiligidagi gomindan qoʻshinlarining qoldiqlari Xitoy fuqarolar urushida magʻlubiyatga uchraganidan keyin u yerga qochib ketgan. Pekin Tayvanni Xitoy Xalq Respublikasi provinsiyalaridan biri deb biladi.
Qoʻshma Shtatlar Tayvan bilan diplomatik aloqalarni 1979-yilda uzib, Xitoy Xalq Respublikasi bilan oʻrnatgan. Vashington “yagona Xitoy” siyosatini tan olish bilan birga, ayni paytda Taypey maʼmuriyati bilan aloqalarni davom ettirmoqda. AQSH Tayvanning asosiy qurol yetkazib beruvchisidir. Xitoy Tashqi ishlar vazirligi maʼlumotlariga koʻra, bir necha yil davomida AQSHning Tayvanga harbiy taʼminotining umumiy miqdori 70 milliard dollardan oshgan.
