So`ngi yangiliklar
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
Bugun havo yanada sovishi kutilmoqda
Media mahsulotlarini “ma’naviy ekspertiza”dan o‘tkazishni joriy etish to‘g‘risidagi qaror bekor qilindi
Oʻzbekistondagi barcha daraxtlarga pasport va ID raqam beriladi
Hozirgi kunda respublika boʻyicha jami 200 mingdan ortiq daraxtlar xatlovdan oʻtkazilib, maʼlumotlar elektron platformaga kiritildi.
Ayni damda respublikadagi barcha daraxtlar raqamlashtirilib, xatlovdan oʻtkazilmoqda. Toshkent shahrida esa sinov tariqasida daraxtlar pasportlashtiriladi, deb xabar bermoqda Ekologiya va atrof-muhitni muhofaza qilish va iqlim oʻzgarishi vazirligi matbuot xizmati.
Maʼlum qilinishicha, bu Prezidentning 2023-yil 23-noyabrdagi “Respublikada yashillik darajasini yanada oshirish, «Yashil makon” umummilliy loyihasini izchil amalga oshirish orqali ekologik barqarorlikni taʼminlash chora-tadbirlari toʻgʻrisida»gi 199-son Farmonga koʻra amalga oshirilmoqda.
1 bosqich doirasida barcha viloyatlardagi yashil qoplam maydoni aniqlangan. Bunda hududlardagi barcha daraxtlar va butalarning maydoniga, sunʼiy yoʻldoshlar orqali olingan fotosuratlardan foydalanib, geoaxborot tizimi orqali ishlov berilgan.
Bundan tashqari, vazirlik huzuridagi Atrof-muhit va tabiatni muhofaza qilish texnologiyalari ilmiy-tadqiqot instituti bilan birga sunʼiy yoʻldoshdan olingan kosmik suratlar, masofadan zondlash, geoaxborot tizimlari hamda sunʼiy intellekt texnologiyalari yordamida Oʻzbekistondagi barcha daraxtlar xatlovdan oʻtkazilib, joylashuv koordinatalari, soni aniqlandi hamda raqamli xaritasi yaratilgan. Bunda AQSH, Kanada, Xitoy, Hindiston, Avstraliya, Rossiya, Germaniya va Yaponiya kabi davlatlarning tajribalari oʻrganilgan.
Daraxtlarning sanogʻini amalga oshirishda 5 yoshdan yuqori boʻlgan daraxtlar hisobga olingan. Mazkur tadqiqot ishlari Oʻzbekiston hududidagi barcha viloyatlar va tumanlar kesimida amalga oshirilgan.
Jami 254 million 162 ming 505 dona daraxtning koordinatalari aniqlanib,raqamli xaritasi yaratildi. Shu bilan birga, 2-3-bosqichlarda xatlov ishlari inspektorlar tomonidan joyiga chiqqan holda amalga oshirilgan.
Bunda “Yashil makon” elektron platformasi takomillashtirilib, daraxtlar xatlovi boʻyicha daraxatlar reyestri tizimi joriy etilgan.
Ushbu tizim orqali maxsus planshetlar yordamida daraxtlarning turi, diametri, holati, koordinatasi, fotosi, va masʼul tashkilot toʻgʻrisidagi maʼlumotlar kiritilib borilmoqda.
Hozirgi kunda respublika boʻyicha jami 200 mingdan ortiq daraxtlar xatlovdan oʻtkazilib, maʼlumotlar elektron platformaga kiritildi.
Maʼlumot uchun, daraxtlarni pasportlashtirish 3 bosqichda amalga oshiriladi. 1-bosqichda aerokosmik tasvirlar va dasturiy vositalardan foydalangan holda mavjud daraxtlar toʻliq xatlovdan oʻtkaziladi.
2-bosqichda xatlov natijasiga koʻra aniqlangan daraxtlarning turi, yoshi, boʻyi, holati va joylashuv koordinatasini aks ettiruvchi maʼlumotlar bazasi shakllantiriladi.
3-bosqichda maʼlumotlar bazasi asosida “Yashil makon” elektron platformasida har bir daraxtga pasport shakllantiriladi va ID raqam beriladi.
