title

So`ngi yangiliklar

10:22 / 2025-12-11 60

Umra xizmatlari bo‘yicha noqonuniy reklama tarqatgan turoperatorlar jazolandi

10:02 / 2025-12-11 51

Notariuslikka talabgorlar uchun o‘quv kurslarini tashkil etish tartibi tasdiqlandi

18:17 / 2025-12-10 86

Navoiyda qishloq xo‘jaligi xodimlari taqdirlandi

22:27 / 2025-12-09 171

Ayrim hududlarda davlat organlarida kadrlar rotatsiyasi tizimi joriy etiladi

15:44 / 2025-12-09 174

Andijon viloyati hokimiga yangi o‘rinbosarlar tayinlandi

13:44 / 2025-12-09 180

Humans ilovasida yuz bergan ruxsatsiz pul yechish holatlari bo‘yicha Markaziy bank rasmiy bayonot berdi

13:14 / 2025-12-09 131

Fuqarolar va tadbirkorlar uchun ijtimoiy nafaqa va sug‘urta tizimi yangi bosqichga ko‘tarildi

12:52 / 2025-12-09 134

“Tamakini emas, hayotni tanlang!” – "Toshkent-AERO" ixtisoslashtirilgan bojxona kompleksi

13:26 / 2023-12-28 1412 0 Hodisalar

Oʻzbekistonda sud marhumni jarimaga tortdi

Toshkent viloyatining Chirchiq shahri sudi 2019-yil olamdan oʻtgan fuqaroni jarimaga tortish va qoʻshimcha majburiyatlar yuklash boʻyicha qaror qabul qilgan. Bu haqda “Ezgulik” inson huquqlari jamiyati rahbari Abdurahmon Tashanov shunday deydi:

Avvalgi postlarimdan birida Xorazm viloyatidagi sudda qozi marhumni “soʻroq qilgani” haqida yozgandim. Bugun qoʻlimga tushgan sud qarorida Chirchiq sudi sudyasi Ravshanov 4-yil avval olamdan oʻtgan odam - Abdukarim Mannonovga soʻroq qilmasdan xam jarima solibdi va unga majburiyatlar yuklabdi.

Bu shu yilning avgustida boʻlgan voqea, eski yilda qolsin, dedim. Ammo har safar bunaqangi qovunlar haqida yozganimizda Oliy sud va Sudyalar Oliy kengashining mutafakkir rahbarlari peshonasi tirisharkan –muammo ijobiy hal boʻlmaydi.

Avvalgi postimda Oliy sud umumiy yurisdiksiya sudlarining maʼlumotlar bazasini kengaytirishi uchun hech boʻlmaganda Ichki ishlar vazirligi yoki Davlat xizmatlari agentligi singari idoralarning bazasini yuklab olgani tuzuk, qabilida mulohaza bildirgandim. Shundan keyin tizimning ayrim rahbarlari omiligimdan kulgan boʻlishibdi oʻzlaricha. Ayrimlari meni “marginal” debdi...

Oʻshanda butun boshli sudlardan bitta uchastkavoy melisa kuchliroq, uning planshetida oʻlig-u tiriklardan tashqari kim kimning oʻynashi ekanigacha maʼlumotlar bor, degandim. Sudyalarimiz esa oʻzi sud qilayotgan odamning hatto tirikligini ham bilmaydi, bunday qovunchilar jazolanmaydi ham.

Mayli, Oliy sud va boshqa oliylardagi janoblar! Kulishda davom eting, zero tizimning butunlay sharmanda boʻlayotganini koʻpchilik koʻrib turibdi.