So`ngi yangiliklar
“Afsuski, ayrim “Ishonch telefonlari” nomiga tashkil qilingan yoki umuman ishlamaydi” – Akmal Burxonov
“Bosim oʻtkazilayotgani toʻgʻrisidagi xabarlar asossiz” – “Oʻzbektelekom” HUMANS ishi boʻyicha munosabat bildirdi
Oʻzbekistonning veterinariya sohasidagi tajribasi xalqaro miqyosda eʼtirof etildi
Turkiyada “Tungi muzeylar” loyihasi iyun oyida yangi mavsumini boshlaydi
Oʻzbekistonga C gepatitiga qarshi dorining joriy yildagi ilk partiyasi olib kelindi
Qibrayliklar oyoqqa turdi. Sababi nima?
5 ming yillik tarixga ega Birgi qishlogʻi haqida nimalar maʼlum?
Iznik: nasroniylikning tirik muzeyi
Ular kimni aldayapti: Zafarobodlik fermerlar Jizzax Kenteksʻdan nega norozi?
Jizzax viloyatining Zafarobod tumanidagi fermer xoʻjaligi rahbarlari Jizzax Kenteks klasteri bilan hisob-kitob ishlari yakuniga yetkazilmaganidan norozi boʻlib, tuman hokimligi binosiga yigʻilishdi. Fermerlar klaster rahbariyatidan va hokimlikdan masalani yechishni soʻrashmoqda.
Maʼlum qilinishicha, klaster fermerlar bilan hisob-kitobda gʻirromchilikka yoʻl qoʻygan, ortiqcha ustamalar ushlanib qolingan. Kredit foizini oshirgan, beriladigan mahsulotlar xususan, salyarkaning narxiga 10 foiz qoʻshimcha olgan.
«Biz chegaradan chiqqanimiz yoʻq, shu bugun hamma bilan uchrashishimiz kerak edi. Viloyat hokimining ham xabari bor. Tuman hokimi muddat soʻragandi, klaster shartnomalarni soxtalashtirib yuborgan, soʻraydigan odam yoʻq. 28-dekabr kuni pullaringni beramiz, bayram qilasizlar deyishgandi.
Qonunda yoʻq narsalarni asos qilib koʻrsatadi. Soliqdan hammamiz qarz, soliqchilar uyga boryapti. Sunʼiy qarzdorlik bekorga kelib chiqmayapti. Hammasini tagida manfaat yotibdi. Ular kimni aldayapti, tagida surishtirsa, jinoyat kelib chiqadi», deydi fermerlar.
Shuningdek, fermerlar Zomin-Zafarobod gʻalla klasteridan ham norozi, chunki klaster fermerlar oldidagi qarzdorlikni yopib bermayapti, natijada soliq toʻlovlari kundan-kunga oshib bormoqda. Effect.uz voqealari rivojini kuzatib boradi.
.jpg)
