So`ngi yangiliklar
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
Bugun havo yanada sovishi kutilmoqda
Media mahsulotlarini “ma’naviy ekspertiza”dan o‘tkazishni joriy etish to‘g‘risidagi qaror bekor qilindi
Xonalar abgor, “dush” va ventilatsiya tizimi ishlamaydi — Samarqanddagi hushyorxonalarda holat qanday?
Oliy Majlisning Inson huquqlari boʻyicha vakili (ombudsman)ning Samarqand viloyatidagi mintaqaviy vakili va Ombudsman huzuridagi jamoatchilik guruhlari tomonidan Samarqand viloyat sogʻliqni saqlash boshqarmasining tuman va shaharlar tibbiyot birlashmalari tarkibida tashkil etilgan mastlik holatida boʻlgan shaxslarga tibbiy yordam koʻrsatish boʻyicha tumanlararo (Urgut, Toyloq, Ishtixon, Paxtachi, Payariq, Bulungʻur tumanlari va Kattaqoʻrgʻon shahri) punktlariga monitoring tashriflari amalga oshirildi. Bu haqda Oliy Majlisning Inson huquqlari boʻyicha vakili (ombudsman) Axborot xizmati xabar bermoqda.
Maʼlum boʻlishicha, monitoring davomida mastlik holatida boʻlgan shaxslarga tibbiy yordam koʻrsatish boʻyicha ayrim tumanlararo punktlarida bir qator salbiy holatlar aniqlangan.
Xususan, mastlik holatida boʻlgan shaxslarga tibbiy yordam koʻrsatish boʻyicha ayrim tumanlararo punktlarining xonalari taʼmirga muhtoj holda va belgilangan talab darajasida tashkil etilmagan, hojatxona va yuvinish xonalarida saqlanayotgan shaxslar uchun sharoitlar yaratilmagan hamda Bulungʻur tumanlari va Kattaqoʻrgʻon shahridagi hushyorxonalarning baʼzilariga ventilyatsiya tizimi oʻrnatilgan boʻlsada, ularning hech birida bu tizimlar ishlamasligi va boshqa kamchiliklar aniqlangan. Shuningdek, ushbu puntklarning ayrimlarida muddati oʻtgan dorilar ham saqlab kelingan.
Aniqlangan salbiy holatlarni bartaraf etish maqsadida “Oliy Majlisning Inson huquqlari boʻyicha vakili (ombudsman) toʻgʻrisida”gi Oʻzbekiston Respublikasining Qonuni va Oʻzbekiston Respublikasi Prezidentining “Qiynoqqa solish holatlarini aniqlash va ularning oldini olish tizimini takomillashtirishga doir qoʻshimcha chora-tadbirlar toʻgʻrisida”gi qaroriga asosan Ombudsman tomonidan Sogʻliqni saqlash vazirligiga taqdimnoma kiritilgan.
Taqdimnoma ijrosi boʻyicha olingan maʼlumotlarga koʻra, Urgut tumanlararo punktiga videokuzatuv kameralari oʻrnatilib, ishga tushirilgan.
Payariq va Paxtachi tuman punktida 10 ta koykali joy tashkil etilgan. Kattaqoʻrgʻon punktining hojatxona va yuvinish xonalarida bemorlar uchun sharoit yaratilib, ichimlik suvi tarmogʻiga ulanib, suv taʼminoti yoʻlga qoʻyilgan. Paxtachi tumanlararo punktida taʼmirlash va muassasa hududida obodonlashtirish ishlari amalga oshirilgan.
Shuningdek, Toyloq, Payariq tumanlari va Kattaqoʻrgʻon shahri tumanlararo punktlaridagi muddati oʻtgan dori vositalari yoʻq qilinib, oʻz ishiga sovuqqonlik bilan qaragan 3 nafar masʼul xodimga nisbatan “Hayfsan” intizomiy taʼsir choralari qoʻllanilgan.
Eslatib oʻtamiz, Taqdimnomada koʻrsatilgan faktlar hushyorxonalarga qayta monitoring tashriflarini amalga oshirish orqali tasdiqlangan. Ventilyatsiya tizimi bilan bogʻliq holat Ombudsman nazoratida turibti.
