Сўнгги янгиликлар
Навоийда 300 МВт қувватли электр энергиясини сақлаш тизими қурилади
Касбий таълим ташкилотларини комплекс давлат аккредитациясидан ўтказиш мезонлари тасдиқланди
Саида Мирзиёева Ургутга янги темирйўл орқали сафар қилди
Москва вилояти мактабларидан бирида 10 ёшли бола пичоқли ҳужум оқибатида ҳалок бўлди
“An Istanbul Story” — Истанбулнинг янги руҳи замонавий ҳикоя орқали намоён бўлди
Конституциявий шикоят институти самарадорлиги оширилади
Тадбиркорлик соҳасида 1 600 дан ортиқ маъмурий талаблар бекор қилинди
Ўзбекистонда “Электрон рецепт” тизими босқичма-босқич жорий этилмоқда – ССВ
Шавкат Мирзиёев Самарқанд—Ургут янги темирйўлида поездда сафар қилди
Президент Шавкат Мирзиёев 25 ноябрь куни Самарқанддан Ургутга янги қурилган темир йўл линиясида поездда сафар қилиб, инфратузилма билан танишди ва йўловчилар учун қулайликлар ҳамда электрлаштириш ишларини янада ривожлантириш бўйича топшириқлар берди.
25 ноябрь куни Президент Шавкат Мирзиёев Самарқанддан Ургутга поездда сафар қилди. Давлат раҳбари билан жамоатчилик вакиллари ҳам қатнашди.
Маълум қилинишича, Самарқанд—Ургут янги темир йўл линияси жорий йил февраль ойида қурилиш ишлари бошланган ва узунлиги 55 километрни ташкил этади. Лойиҳа доирасида икки вокзал, “Ургут” иқтисодий зонасида икки юк станцияси ва бир қатор кўприклар барпо этилган. Яқин келажакда ушбу йўналиш тўлиқ электрлаштирилади.
Янги йўналиш икки жуфт шаҳарлараро поезд ва тўққиз жуфт юк поезди ҳаракатини таъминлайди. Лойиҳанинг тўлиқ якунланиши орқали йилига 359 минг йўловчи ва 8,2 миллион тонна юк ташиш имкони пайдо бўлади.
Самарқанд шаҳри, Жомбой, Пастдарғом, Тойлоқ ва Ургут аҳолиси учун замонавий ва хавфсиз транспорт хизматини тақдим этадиган янги йўналиш ички туризм ва иқтисодий ривожланишга ҳам ҳисса қўшади. Шунингдек, “Ургут” эркин иқтисодий зонаси салоҳиятини янада ошириш ва 130 та янги иш ўрни яратишга хизмат қилади.
Сафар давомида президент темир йўл инфратузилмасини ривожлантириш, йўловчилар учун қулайликларни ошириш, электрлаштириш ва йўналишга туташ ҳудудларни ободонлаштириш бўйича топшириқлар берди. Янги йўналиш логистик тўсиқларни камайтириш, юк ташишни тезлаштириш ва маҳсулотларни бозорларга ўз вақтида етказиш имконини беради.
Ургут вокзалида давлат раҳбари вокзал инфратузилмаси, хизмат кўрсатиш тизими ва йўловчи ҳаракатини ташкил этиш масалаларига эътибор қаратди. Шу ерда у Ургут тумани фаоллари билан мулоқот қилиб, ҳудудлардаги ўзгаришлар ва аҳоли турмуш тарзи ҳақида фикр алмашди.
.jpg)
