Сўнгги янгиликлар
Юқори Чирчиқда юк автомобили ҳаракатсиз турган «Cobalt»га урилиб, ағдарилиб кетди
«Сабрнинг ҳам чегараси бор»: Самарқандлик тадбиркорнинг йиллар давомида ҳал қилинмаётган мурожаати…
Uzbekistan Airports 6,8 млрд сўмлик давлат харидини қонунга зид тарзда ўтказгани фош бўлди
Караҳантепада ноёб кашфиёт: илк уч ўлчовли ҳайкалчалар топилди
2 миллиарддан ортиқ сумма тадбиркор ҳисобига қайтарилди
Ҳоким ёрдамчилари жами 40 млрд сўмлик кредитни талон-торож қилди
Уч ҳудудда фуқароларни ўқишга киритиб қўйишни ваъда қилган фирибгарлар қўлга тушди
Ўзбекистонда оилалар сони 10 миллиондан ошди
Ўзбекистонда оилалар сони 10 миллиондан ошди
Энг кўп оилалар Фарғона ва Самарқанд вилоятларида қайд этилган.
Миллий статистика қўмитаси маълумотларига кўра, 1 январ ҳолатига мамлакатда 10 миллион 244 мингдан ортиқ оила мавжуд. Энг кўп оилалар Фарғона ва Самарқанд вилоятларида қайд этилган. Тошкент шаҳрида эса бир миллиондан зиёд оила яшамоқда.
1 июл ҳолатига доимий аҳоли сони қарийб 38 миллион кишига етган. Шунинг 19,1 миллиони эркаклар, 18,8 миллиони аёллардир. Шаҳарларда 19,3 миллион, қишлоқларда эса 18,6 миллион киши истиқомат қилади.
Оила таркибига оид кузатувлар аҳоли ҳаётидаги муҳим тенденцияларни кўрсатади. Масалан, 2025 йил бошида 3 аъзодан иборат уй хўжаликлари улуши 11,2 фоизни ташкил этди. Бу кўрсаткич сўнгги ўн беш йил ичида изчил ўсиб келмоқда. Шунингдек, тўрт ва ундан ортиқ фарзандли оилалар улуши 8,5 фоизга етди.
Аҳоли зичлиги бўйича Тошкент шаҳри 1 km² га деярли 7 минг киши тўғри келиши билан биринчи ўринда турибди. Андижон ва Фарғона вилоятлари ҳам зич ҳудудлар қаторига киради. Энг кам кўрсаткич эса Навоий вилоятида қайд этилган.
Шунингдек, 15–49 ёш тоифасига кирувчи аёллар сони 9,4 миллионга етди. Бу кўрсаткич йиллар давомида барқарор ўсиб, мамлакатда демографик жараёнлар ва ижтимоий сиёсат учун муҳим омилга айланмоқда.
2025 йилнинг январ—апрел ойларида 266 мингдан зиёд тирик туғилиш қайд этилди. Энг кўп чақалоқлар Самарқанд ва Фарғона вилоятларида дунёга келди. Бу рақамлар аҳоли таркибидаги табиий ўсишни янада тасдиқлайди.
