Сўнгги янгиликлар
Ўзбекистонда июль ойида янги автомобиль сотувлари рекорд даражада ошди
Трамп ва Путин Анкориждаги ҳарбий базада учрашади
Блогер Азиз Ҳакимов Шерзодхон Қудратхўжани ҳақорат қилгани учун жаримага тортилди
Давлат раҳбаридан улкан ташаббус
Андижонда 4,6 млрд сўмлик электр ўғрилиги фош этилди
Якка тартибдаги тадбиркорлар ҳамда ўзини ўзи банд қилган шахслар учун қулай шарт-шароитлар яратилади
Вьетнам Адлия вазирлиги суд қарорларини ижро этиш бошқармаси вакиллари учун тақдимот ташкил этилди
Ўзбекистонда корхона ва ташкилотлар сони 462,2 мингтага етди
Трамп ва Путин Анкориждаги ҳарбий базада учрашади
АҚШ ва Россия президентлари 15 август куни Аляскадаги энг йирик шаҳар Анкорижда учрашиб, Украинадаги урушни тўхтатиш масаласини муҳокама қилади.
АҚШ президенти Доналд Трамп ва Россия президенти Владимир Путин 15 август, жума куни Аляска штатининг энг йирик шаҳри Анкорижда учрашади. Бу ҳақда Оқ уй матбуот котиби Кэролайн Ливитт маълум қилди.
Унинг сўзларига кўра, Трамп учрашувдан асосий мақсад сифатида Украинадаги урушни тўхтатиш ва қурбонлар сонини камайтиришни кўрмоқда. «Президент Трамп бу урушни тугатиш ва қон тўкилишини тўхтатиш учун қатъий ниятда», — деди Ливитт.
Оқ уй маълумотига кўра, Трамп жума куни эрталаб мамлакат бўйлаб саёҳат қилиб, Анкорижга етиб боради ва у ерда Путин билан икки томонлама музокаралар ўтказади. Музокара кун тартиби ва аниқ вақти ҳозирча ишлаб чиқилмоқда.
CNN маълумотига кўра, президентларнинг учрашуви Анкориждаги Элмендорф-Ричардсон ҳарбий базасида бўлиб ўтади.
Анкориж Алясканинг жанубий қирғоғида жойлашган бўлиб, штат аҳолисининг қарийб 40 фоизи шу ерда яшайди. Географик жойлашуви ва халқаро йўналишларга яқинлиги туфайли шаҳар тарихан стратегик аҳамиятга эга ҳисобланади.
Оқ уй матбуот котиби Трампнинг илгарироқ айтган «жума куни Россияга бораман», деган гапига изоҳ берар экан, бу сафар саммит АҚШ ҳудудида ўтишига урғу берди. Ливиттнинг айтишича, келгусида президентнинг Россияга ташрифи эҳтимолдан холи эмас, аммо бу галги учрашув Аляскада бўлади.
Оқ уй матбуот котиби Кэролайн Ливиттнинг маълум қилишича, учрашув Россия президентининг илтимосига кўра ташкил этилган. Путин ушбу таклифни АҚШ президентига Москвада ўзи билан музокаралар ўтказган Трампнинг махсус вакили Стив Уиткофф орқали етказган.
«Президент Путиннинг илтимосидан сўнг Трамп учрашувга розилик берди. Бу учрашувдан президентнинг мақсади — урушни тугатиш йўлларини яхшироқ англаб етиш», — деди Ливитт. У, шунингдек, келгусида АҚШ, Россия ва Украина президентлари иштирокида уч томонлама саммит ўтказилиши мумкинлигини ҳам қўшимча қилди.
Оқ уй вакилига кўра, Зеленский ҳозирда бошқа халқаро мулоқотларда иштирок этади. Хусусан, 13 август, чоршанба куни Трамп Германия канцлери Фридрих Мерц чақирган Украина бўйича виртуал йиғилишда қатнашади. Унда Германия, Финландия, Франция, Британия, Италия, Полша ва ЕИ раҳбарлари, НАТО бош котиби Марк Рютте ҳамда Украина президенти Володимир Зеленский иштирок этади.
Трамп, шунингдек, Аляскадаги саммитдан кейин Зеленский ва Европа етакчилари билан алоҳида мулоқот қилиш ниятини билдирган. Европа дипломатияси раҳбари Кая Каллас эса BBCʼга берган интервьюсида Украина тақдирига оид ҳар қандай келишув Киев иштирокисиз қабул қилинмаслигини таъкидлади.
Калласнинг фикрича, Путин Трамп билан бирга кўринган сурат орқали санкцияларни кечиктиришга ҳаракат қилади, аммо Украина ҳудудини бўлиш режаси амалга ошмайди. «Европа ва Украина бунга рози бўлмайди. Украина музокаралар столида бўлиши шарт», — деди у.
