Сўнгги янгиликлар
Самарқандда уй портлаши ортидан 6 киши ҳалок бўлди
Ўзбекистонга илк бор бир ойда 1 миллиондан ортиқ хорижий сайёҳ ташриф буюрди
Хонанда Ботир Қодиров муаллифлик ҳуқуқини бузгани учун жаримага тортилди
Яккасарой ҳокимининг собиқ ўринбосарига белгиланган жазо енгиллаштирилди
Россиянинг Екатеринбург шаҳрида мушкул аҳволда қолган ўзбекистонликлар Ватанга қайтарилди
Юрак бир сония ҳам тўхтамади: Дунёда илк бор уриб турган юрак кўчириб ўтказилди
«Қўйлиқ» деҳқон бозори ёпилмаслиги маълум қилинди
АҚШ етакчиси Алкатрас қамоқхонасини қайта очишни буюрди
Самарқандда уй портлаши ортидан 6 киши ҳалок бўлди
Бугун, 9 май кунига ўтар кечаси Самарқанд вилояти Самарқанд шаҳар “Боғисарой” МФЙ Спитамен кўчасида жойлашган уйларнинг бирида газ-ҳаво аралашмасининг чақнаши содир бўлган.
Бу ҳақда вилоят Фавқулодда вазиятлар бошқармаси хабар берди. Маълум қилинишича, ФВБга маълумот келиб тушгандан сўнг, ёнғин-қутқарув экипажлари воқеа жойига етиб бориб, бахтсиз ҳодиса оқибатларини бартараф этишга киришган.
Чақнаш оқибатида ҳосил бўлган кинетик зарбадан уйнинг темир-бетон конструкциялари қулаб тушган. Уйнинг 1,2,3-чи қаватлари ва ертўла қисми зарарланган. Ёнғин содир бўлмаган. Олиб борилган ҳаракатлардан сўнг, вайроналар остидан 6 нафар фуқаронинг жасади топилган.
Фавқулодда вазиятлар вазирлиги ишчи гуруҳи раҳбарлигида Самарқанд вилояти ФВБ бошлиғи, прокуратура, Ички ишлар бошқармаси, Соғлиқни сақлаш бошқармаси, Миллий гвардия, “Ҳудудгазтаъминот” хизматларидан тезкор штаб тузилиб, вазият оқибатларини бартараф этиш ишлари олиб борилмоқда.
Бунга 10 та асосий ва махсус ёнғин-қутқарув техникалар ва Фавқулодда вазиятлар давлат тизимининг куч воситалари жалб этилган. Билдирилишича, мазкур ҳолат юзасидан дастлабки терговолди суриштирув ишлари олиб борилмоқда.
