Сўнгги янгиликлар
Мурожаатлар Президентгача етиб бормаяпти, ёхуд енгилган курашга тўймас…
Терговчи ва судьянинг хатоси – «хато», оддий фуқароники эса – «жиноят»ми?
"Уч қаҳрамон" бозоридаги ёнғинда 74 млрд сўм зарар кўрилган
“Афросиёб” тезюрар поездига нисбатан қўпорувчилик ҳаракати содир этган темирйўлчилар узоқ муддатга озодликдан маҳрум қилинди
Янги Тошкент метро линияси 2026 йилда қуриб битказилади
Ўзбекистон юқори даромадли давлат бўлиши учун 100 йил керак
Хорватияга ишга юборишни ваъда қилган фирибгарлар ушланди
Миграция агентлиги хориждаги фуқароларни уруш хавфидан огоҳлантирди
Ўзбекистон Ошпазлар уюшмаси «Гастро Анталия 2022» халқаро пазандалик чемпионатида совриндор бўлди
«Гастро Анталия 2022» чемпионати 32 давлатдан 600 дан ортиқ иштирокчиларни қамраб олган Туркиядаги энг йирик ва энг нуфузли мусобақага айланди.
Ўзбекистон Ошпазлар уюшмаси жамоаси жорий йилнинг 17–20 ноябрь кунлари Туркияда (Анталия) ўтказилган «Гастро Анталия 2022» халқаро пазандалик чемпионатида иштирок этди.
«Гастро Анталия 2022» ошпазлик чемпионатида дунёнинг турли бурчакларидан, хусусан, Исроил, Италия, Сербия, Германия, Россия, Доғистон, Озарбайжон, Қозоғистон, Испания, Туркия ва бошқа кўплаб давлатлардан ташриф буюрган ошпазлар, шунингдек, олий тоифадаги ҳакамлар ҳам иштирок этишди.
Маълумот ўрнида қайд этиш жоизки, ушбу чемпионат 2021 йилда пандемия сабабли чекланган иштирокчилар билан ўтказилган. «Гастро Анталия 2022» чемпионати 32 давлатдан 600 дан ортиқ иштирокчиларни қамраб олган Туркиядаги энг йирик ва энг нуфузли мусобақага айланди.
Ўзбекистон Ошпазлар уюшмаси жамоаси чемпионат якунига кўра 4 та медални қўлга киритди. Жумладан, Шохрузхон Ибрагимов «Балиқли таом» номинацияси бўйича 1-ўрин (олтин медаль) ва «Замонавий ошхона – гўштли таом» номинацияси бўйича 2-ўрин (кумуш медаль), Элербек Мирбобоев эса «Йилнинг олтин ошпази» номинацияси бўйича 1-ўрин (олтин медаль) ва «Паста» номинациясида 2-ўрин (кумуш медаль) соҳиби бўлишди.
Маълумот учун, юртимизда гастротуризмни ривожлантириш борасида қатор ишлар амалга оширилмоқда. Хусусан, яқинда Мўйноқ ва Самарқанд шаҳарларида Туризм ва маданий мерос вазирлиги томонидан гастрофестиваллар ўтказилди.
