Сўнгги янгиликлар
«Афсуски, орамизда нафсини жиловлолмай коррупцияга қўл ураётганлар ҳам учрамоқда» – Олий суд раисининг судьялар ва суд ходимларига мурожаати
Хитойга Бойкот қанчалик ўринли ёки ваҳимали?
Самарқандда Амир Темур оила аъзолари яшаган мажмуа 415 млн сўмга реставрация қилинмоқда
Электрсиз қолган Ғазо (фотогалерея)
Эртага ҳаво ҳарорати 23 даражада исийди
Яна бир неча авлод йўқотмаслик учун ҳам «Таълим – тарбия» каналини очишимиз шарт. МТРК уйғонсин энди!
Туркия MICE туризмини ривожлантириш учун дадил қадам ташламоқда
Шавкат Мирзиёев давлат ташрифи билан Францияга боради
Коррупция ислоҳотлар йўлидаги энг катта тўсиқ ва ғовдир
Президент Шавкат Мирзиёев раислигида Коррупцияга қарши курашиш бўйича миллий кенгашнинг кенгайтирилган йиғилиши ва унда билдирилган таклиф ва ташаббусларни диққат билан кузатиб борган инсон сифатида айтишим мумкинки, ҳақиқатдан ҳам сўнгги йилларда бу борада бир қатор ижобий натижаларга эришилди. Хусусан, бу иллатга қарши курашиш бўйича қонунлар қабул қилиниб, янги тизим яратилди.
Президент Шавкат Мирзиёев раислигида Коррупцияга қарши курашиш бўйича миллий кенгашнинг кенгайтирилган йиғилиши ва унда билдирилган таклиф ва ташаббусларни диққат билан кузатиб борган инсон сифатида айтишим мумкинки, ҳақиқатдан ҳам сўнгги йилларда бу борада бир қатор ижобий натижаларга эришилди. Хусусан, бу иллатга қарши курашиш бўйича қонунлар қабул қилиниб, янги тизим яратилди.
Парламент палаталарининг масъулияти оширилиб, жойларда халқ депутатлари маҳаллий Кенгашларининг ҳам бу жараёнлардаги иштироки кенгайди. Энг муҳими, жамиятда коррупция муаммосини жамоатчилик муҳокамасига олиб чиқадиган очиқ тизим, очиқ муҳит яратилганлиги, яъни оммавий ахборот воситалари бу борада ўз фикрларини очиқ ҳеч кимдан чўчимасдан ёритаётганлигидир. Мазкур ўзгаришларнинг энг муҳимларидан бири бу “Коррупцияга қарши курашиш тўғрисида”ги Ўзбекистон Республикаси қонунининг қабул қилинганлигидир.
Ушбу қонун коррупцияга қарши курашишнинг ҳуқуқий асосларини белгилаб, давлат органлари ва жамоат ташкилотларининг ўзаро ҳамкорликда фаолият кўрсатишида ҳам муҳим аҳамият касб этди. Қолаверса, Президент фармони билан Коррупцияга қарши курашиш агентлиги ташкил этилди. Бу агентлик коррупцияга қарши курашиш соҳасида давлат сиёсатини шакллантириш ва амалга оширишда махсус ваколатли орган сифатида фаолият юритиб келмоқда. Шунингдек, халқаро даражада БМТнинг Коррупцияга қарши Конвенцияси ва Иқтисодий ҳамкорлик ва ривожланиш ташкилотининг Коррупцияга қарши кураш бўйича Истанбул ҳаракатлар режаси доирасида бир қатор ишлар амалга оширилди. Бу халқаро ҳамкорлик мамлакатда коррупцияга қарши курашишдаги саъй-ҳаракатларни кучайтиришга хизмат қилмоқда.
Ушбу чора-тадбирлар натижасида Ўзбекистонда коррупцияга қарши курашиш тизими сезиларли даражада такомиллаштирилди ва жамиятда коррупцияга нисбатан муросасиз муносабат шакллантирилмоқда. Йиғилишда Давлат раҳбари коррупцияга қарши курашиш бўйича қилиниши керак бўлган янги вазифаларни ҳам белгилаб берди.
Жумладан, эндиликда туманлар даражасига тушиб, маиший ва тизимли коррупция омилларини чуқур ўрганилади. Сабаби, коррупсиявий жиноятларнинг 75 фоизи туман ва маҳаллада маиший коррупция шаклида содир этиляпти. Қуйи тизимда ишлар самарадорлигини оширишда эса ННТлар иштироки ҳам муҳим саналади.
Шу боис, Президент жамоатчилик вакиллари ва нодавлат ташкилотларига мурожаат қилди. Коррупцияга қарши кураш – умуммиллий вазифа эканлиги, ҳар бир ватанпарвар ўзбекистонликнинг виждон иши эканлигини таъкидлади. Бу борада нодавлат нотижорат ташкилотлари фаолияти янада жонлантирилиб, бунга кенг жамоатчиликни ҳам жалб қилиниши белгиланди.
Шунингдек, парламент нодавлат ташкилотлар билан яқин ҳамкорликни йўлга қўйиб, уларнинг имкониятларидан кенг фойдаланиши белгиланди. Ушбу мақсадлар учун мўлжалланган янги лойиҳаларни қўллаб-қувватлашга ҳар йили 10 миллиард сўмдан ажратиб борилади.
Зеро, асосий мақсад жамиятда аҳоли онгида коррупцияга нисбатан тоқатсизлик туйғуларини чуқур шакллантириш, пировардида ислоҳотлар аҳолининг фаровон ҳаёт кечириши учун хизмат қилишига эришишдир.
Шахноза ИХТИЯРОВА
Бухоро вилояти «Ойдин Нур» оилани ижтимоий ҳимоялаш маркази директори
