EFFECT.UZ – ҲАҚИҚАТ УЧУН!
Сўнгги янгиликлар
Олий суд раиси ўз хоҳишига кўра ишдан кетди. Бахтиёр Исломов – Олий суднинг янги раиси

Олий суд раиси ўз хоҳишига кўра ишдан кетди. Бахтиёр Исломов – Олий суднинг янги раиси

Олий суди раисининг ваколатлари муддатидан илгари тугатилди. Олий суд раиси лавозимида ишлаб келган Козимжон Камилов Сенатнинг 10 август куни бўлиб ўтган ялпи мажлисида саломатлиги туфайли ўз хоҳиши билан эгаллаб турган лавозимидан озод этилди. Бу ҳақда Сенат матбуот хизмати хабар берди.

Бугун, 10 август куни Тошкент шаҳрида Ўзбекистон Республикаси Олий Мажлиси Сенатининг ўттизинчи ялпи мажлиси бўлиб ўтган, унда Сенат аъзолари, суд ва прокуратура органларининг вакиллари ҳамда оммавий ахборот воситалари ходимлари қатнашди.

Видеоконференцалоқа тарзида ўтказилган ялпи мажлисни Олий Мажлиси Сенати Раиси Танзила Нарбаева олиб борди. Дастлаб сенаторлар Президент Шавкат Мирзиёев томонидан киритилган Олий суд раисининг ваколатини муддатидан илгари тугатиш тўғрисидаги тақдимнома муҳокама қилинди.

Таъкидланганидек, Ўзбекистон Республикаси Олий суди раиси К.Камилов саломатлиги туфайли ўз хоҳиши билан эгаллаб турган лавозимидан озод этишни сўраб мурожаат қилган.

Сенат мажлисда бўлиб ўтган муҳокама натижасида уни Олий суд раиси лавозимидан озод этиш тўғрисида қарор қабул қилинди. Шунингдек, мажлисда Президент томонидан тақдим этилган Ўзбекистон Республикаси Олий суди раислигига номзод муҳокама қилинди.

Муҳокама якунида сенаторлар томонидан суд тизимида ҳамда маъмурий органларда раҳбарлик лавозимларида кўп йиллар мобайнида ишлаб келган Бахтиёр Жаҳонгирович Исломов Ўзбекистон Республикаси Олий суди раиси этиб сайланди.

Ушбу масала юзасидан Сенатнинг тегишли қарори қабул қилинди. Шундан сўнг Ўзбекистон Республикаси Конституциявий суди таркибига ўзгартиришлар киритиш масаласи кўриб чиқилди.

Маълумки, “Ўзбекистон Республикасининг Конституциявий суди тўғрисида”ги Ўзбекистон Республикасининг Конституциявий Қонунига кўра Конституциявий суднинг судьялари белгиланган муддатга сайланади.

Қайд этилганидек, амалдаги Конституциявий суд таркибининг қонун билан белгиланган амал қилиш муддати жорий йилнинг август ойида тугайди. Шу муносабат билан Ўзбекистон Республикаси Президенти томонидан тақдим этилган Конституциявий суднинг янги таркиби Сенат ялпи мажлисида кенг муҳокама қилинди.

Сенаторлар томонидан маъқулланган Конституциявий суд судьялигига номзодлар юзасидан Сенатнинг тегишли қарори қабул қилинди. Бунда янги сайланган таркиб Конституциявий суднинг амалдаги таркиби ўз фаолиятини якунлаганидан сўнг ишга киришиши белгиланди. Шунинг билан Ўзбекистон Республикаси Олий Мажлиси Сенатининг ўттизинчи ялпи мажлиси якунланди.

Маълумот учун, Козимжон Камилов икки ой аввал Олий суд раиси лавозимига қайта сайланганди. Муқаддам Олий хўжалик суди раиси бўлган Комилов 2017 йилдан Олий суд раиси лавозимида ишлаб келаётганди.

Бахтиёр Исломов муқаддам Фарғона ва Тошкент вилоятларида судьялик қилган, 2020 йил ноябригача жиноят ишлари бўйича Тошкент шаҳар суди раиси бўлган.

У 2020 йил ноябрида президентнинг фуқаролар ҳуқуқларини ҳимоя қилиш ва мурожаатлар билан ишлаш масалалари бўйича маслаҳатчиси Турсинхан Худайбергеновнинг биринчи ўринбосари лавозимига тайинланганди.

2021 йил ноябрида эса Рустам Иноятов ўрнига президентнинг ҳуқуқни муҳофаза қилувчи ва назорат органлари фаолиятини мувофиқлаштириш масалалари бўйича маслаҳатчиси лавозимида иш бошлаганди.

Маълумот учун, Олий суд раиси, унинг биринчи ўринбосари ва уч нафар ўринбосари - суд ҳайъатлари раислари ва судьяларидан иборат. Олий суд раиси ва аъзоларини президент тақдимномасига биноан сайлаш Сенат ваколатига киради.

«Улашинг»

  • Смайлы и люди
    Животные и природа
    Еда и напитки
    Активность
    Путешествия и места
    Предметы
    Символы
    Флаги
Кликните на изображение чтобы обновить код, если он неразборчив

RATING