Сўнгги янгиликлар
Бўстонлиқда 72 сотих ерни 1 млн долларга сотмоқчи бўлган шахс ушланди
Шавкат Мирзиёев Напалеон таъсис этган орден билан тақдирланди
Ўзбекистонда гўшт нархи МДҲ давлатларига нисбатан қиммат
Ҳарран гумбазли уйлари ҳақида эшитганмисиз?
Туркияда Гермеснинг мармар ҳайкали топилди
«Афсуски, орамизда нафсини жиловлолмай коррупцияга қўл ураётганлар ҳам учрамоқда» – Олий суд раисининг судьялар ва суд ходимларига мурожаати
Хитойга Бойкот қанчалик ўринли ёки ваҳимали?
Самарқандда Амир Темур оила аъзолари яшаган мажмуа 415 млн сўмга реставрация қилинмоқда
Тошкентда экологияни ифлослантираётган саноат корхоналари текширилади
Тошкент шаҳри ва Тошкент вилоятида атроф муҳитни ифлослантираётган саноат корхоналари текшириляпти. Бу ҳақда Бош прокуратура матбуот хизмати хабар берди.
Таъкидланишича, Тошкент шаҳрида атмосфера ҳавосининг ифлосланиш даражасининг ортиб бораётгани ва “салбий” рейтингларда етакчи ўринларга чиқаётгани ҳақида ижтимоий тармоқларда эълон қилинган хабарлар барчада асосли ташвиш ва қайғу уйғотмоқда.
Пойтахт атмосфера ҳавосини ифлосланишига қуруқ иқлим, қумли ва қумлоқ тупроқлар каби табиий омиллар билан бир қаторда иқлим ўзгариши, саноат ва автотранспорт воситаларидан ташламалар чиқариш ҳажмларининг ошиб бориши, эълон қилинган мораторий даврида ҳам қимматбаҳо дарахтлар ноқонуний кесилиши, шаҳарсозлик бош режалари тасдиқланмасдан қурилиш ишларининг жадал амалга оширилиши бевосита таъсир кўрсатмоқда.
“Прокуратура органлари ушбу ҳолатларни инобатга олиб, Ўзбекистон Республикасининг “Атмосфера ҳавосини муҳофаза қилиш тўғрисида”ги қонуни, президентнинг тегишли фармон ва топшириқлари ҳамда соҳага оид бошқа қонун ҳужжатлари ижросини аҳволи атмосферага чиқарилаётган зарарли ташламалар миқдорини камайтириш ва атмосфера ҳавосининг ҳолатини яхшилашга асосий эътиборни қаратган ҳолда жорий йилнинг сентябр ойидан бошлаб республика бўйича режавий текшириш тадбирлари ўтказилишини йўлга қўйди”, дейилади Бош прокуратура хабарида.
Таҳлилларда I ва II тоифага кирувчи, атроф-муҳитга таъсири юқори бўлган саноат корхоналарида 2024 йилда белгиланган замонавий чанг-газ тозалаш ускуналарини ўрнатиш ишлари пайсалга солинаётгани, шу жумладан Тошкент вилоятда 27 та корхонадан 19 тасида, Тошкент шаҳрида эса 31 та корхонадан 8 тасидагина бу ишлар амалга оширилгани маълум бўлган.
Мавжуд вазиятдан келиб чиқиб, Тошкент шаҳри ва Тошкент вилоятидаги текширишлар Экология, Соғлиқни сақлаш, Транспорт, Ички ишлар, Фавқулодда вазиятлар вазирликлари, Гидрометеорология хизмати агентлиги, Қурилиш соҳасида назорат инспекцияси ва бошқа мутасадди ташкилотлар мутахассислари жалб қилинган ҳолда бевосита Бош прокуратура томонидан жорий йилнинг 22 октябр кунидан бошлаб амалга оширила бошланган.
Бош прокуратура томонидан аниқланган қонунбузилиши ҳолатлари алоҳида назоратга олиниши ҳамда улар бўйича кескин ва муросасиз чоралар кўриб борилиши қатъий таъминланади.
