title

Сўнгги янгиликлар

12:16 / 2025-12-19 221

Навоийда 300 МВт қувватли электр энергиясини сақлаш тизими қурилади

19:44 / 2025-12-18 278

Касбий таълим ташкилотларини комплекс давлат аккредитациясидан ўтказиш мезонлари тасдиқланди

11:19 / 2025-12-18 285

Саида Мирзиёева Ургутга янги темирйўл орқали сафар қилди

09:14 / 2025-12-18 347

Москва вилояти мактабларидан бирида 10 ёшли бола пичоқли ҳужум оқибатида ҳалок бўлди

20:33 / 2025-12-17 278

“An Istanbul Story” — Истанбулнинг янги руҳи замонавий ҳикоя орқали намоён бўлди

19:42 / 2025-12-17 321

Конституциявий шикоят институти самарадорлиги оширилади

21:31 / 2025-12-16 400

Тадбиркорлик соҳасида 1 600 дан ортиқ маъмурий талаблар бекор қилинди

09:37 / 2025-12-15 403

Ўзбекистонда “Электрон рецепт” тизими босқичма-босқич жорий этилмоқда – ССВ

15:43 / 2024-10-23 342 0 Жамият

Омбудсманга президент, ҳукумат ва парламентга махсус маъруза тақдим этиш ҳуқуқи берилади

Сенатнинг эллик тўққизинчи ялпи мажлисида омбудсман тўғрисидаги янги таҳрирдаги қонун маъқулланди. Ушбу қонун Қонунчилик палатаси томонидан 17 сентябрь куни қабул қилинганди.

Мазкур қонун янгиланган конституцияга мос равишда мамлакатда фуқароларнинг ҳуқуқ ва эркинликларини ҳимоя қилишни тўлақонли таъминлаш ва кучайтиришни назарда тутувчи бир қатор ўзгаришларни ўз ичига олган.

Хусусан, омбудсманга Ўзбекистон президентига, Олий Мажлис палаталарига ва Вазирлар Маҳкамасига махсус маъруза тақдим этиш ҳуқуқи берилади. Махсус маъруза инсоннинг бузилган ҳуқуқлари, эркинликлари ва қонуний манфаатларини тиклаш бўйича хулоса ёки таклифлардан иборат бўлади.

Қонун билан омбудсманнинг қонунчилик таклифларини қонунчилик ташаббуси тартибида Олий Мажлис Қонунчилик палатасига киритиш ҳуқуқи жорий этилмоқда. Шунингдек, омбудсман ва унинг ўринбосари ваколатлари, дахлсизлигининг қўшимча кафолатлари ҳам жорий этилиб, уларга юклатилган вазифаларнинг муаммосиз ва самарали бажарилиши қонунда мустаҳкамланмоқда.

Қонунда сайланиш куни 30 ёшга тўлган, камида 5 йил Ўзбекистонда муқим яшаётган Ўзбекистон фуқароси омбудсман лавозимига сайланиши мумкинлиги назарда тутилмоқда.

Шунингдек, жазони ижро этиш муассасалари ва тергов ҳибсхоналари ҳудудида “Омбудсман қутиси” тушунчаси киритилиб, унга озодликдан маҳрум этилган шахслар мурожаат қилишининг ҳуқуқий механизми белгиланмоқда.