Сўнгги янгиликлар
ССП раиси ўринбосари Нодира Шотурсунова Наманганда фаол ва ташаббускор аёл тадбиркорлар билан учрашди
Сторителлинг ва мутолаанинг инсон ривожидаги ўрни...
Парламентда Нукус воқеалари бўйича тузилган комиссия ахбороти тингланди
Навоийга Монголиядан 1000 бошга яқин Баят зотига мансуб қўйлар олиб келинди
Фаоллар айтаётган “иқтидор” эгаси оддий “Виртуал валютачи” бўлган...
Рустам Минниханов бошчилигидаги Татаристон делегацияси Навоий вилоятига ташриф буюрди
Тожикистоннинг Конибодомида яна тўрт кишининг жасадлари топилди. Маҳаллий аҳоли ваҳимада
Таҳлил қилинган давлат харидларида «Давлат харидлари тўғрисида»ги қонуннинг тегишли модда талаблари бузилганлик ҳолатлари аниқланди
Тошкентда буюк қозоқ адиби Абай ижодига бағишланган кўргазма очилди
19 декабрь куни иш бошлаган «Абай. Қардош халқлар мероси» кўргазмаси 30 декабрга қадар давом этади.
Бугун, 19 декабрь куни Ўзбекистон тасвирий санъат галереясида қозоқ адиби ва мутафаккири Абай Қўнонбоев ҳаёти ва ижодига бағишланган “Абай. Қардош халқлар мероси” кўргазмасининг очилиши бўлиб ўтди.
Тантанали очилиш маросимида Ўзбекистон Республикаси Бош вазир ўринбосари – Туризм ва маданий мерос вазири Азиз Абдуҳакимов, Қозоғистон Республикаси маданият ва спорт вазири Даурен Абаев, Қозоғистоннинг Ўзбекистондаги элчиси Бейбут Атамкулов, “Жидебай-Борили” Абай музейи директори Турдиқул Шанбай, Тасвирий санъат галереяси директори Камола Оқилова, шунингдек ОАВ ва жамоатчилик вакиллари иштирок этишди. Тадбирни Бош вазир ўринбосари – Туризм ва маданий мерос вазири Азиз Абдуҳакимов очиб берди.
“Бугунги кунда Ўзбекистонда давлатимиз раҳбари бошчиликларида бутун туркий халқлар маданий меросини асраш ва тиклашга оид кўплаб ишлар амалга оширилмоқда.
Пойтахти азимда улуғ қозоқ адиби Абай ижодига бағишланган кўргазманинг очилиши ҳам бунинг яққол далилидир. Ушбу тадбир, шунингдек, Ўзбекистон ва Қозоғистон ўртасида дўстлик ришталарининг янада мустаҳкамланиб бораётганидан далолат беради.
Фурсатдан фойдаланиб ушбу тадбирга ташриф буюрган Қозоғистон маданият ва спорт вазири Даурен Абаевга “Ўзбекистонга хуш келибсиз” деймиз. Бугун ўз эшикларини очаётган ушбу кўргазма буюк мутафаккир Алишер Навоий инсонпарварлик анъаналарини ўзида сақлаган Абай ижодини янада мукаммал англаш имконини беришига ишончимиз комил.
Унинг барча халқлар тинчлик ва фаровонликда яшаши кераклиги, Шарқ ва Ғарб уйғунлиги, жаҳон меросини ўзлаштириш зарурати, энциклопедизмга интилиш, инсон табиатининг мукаммаллашувига оид ғоялари бугунга келиб ҳам ўз аҳамиятини йўқотмаган”, - дея таъкидлади А.Абдуҳакимов.
Ўз навбатида, Қозоғистон Республикаси маданият ва спорт вазири Даурен Абаев кўргазмани юқори савияда ташкил этилганини таъкидлаб, Ўзбекистон томонига миннатдорлик билдирди.
“Алишер Навоий ва Абай ижоди нафақат туркий, балки умуминсоний қадриятларнинг шаклланиши намунасини ўзида мужассам этган буюк меросдир. Ҳар икки мутафаккир турли даврларда яшаб ижод қилган бўлсада, уларни шеъриятдаги инсонпарварликка интилиш, ислоҳотчилик руҳи бирлаштиради. Улар икки қардош халқнинг маънавий устунларидир”, - деди Даурен Абаев.
Кўргазмада шунингдек қозоғистонликларнинг кундалик маиший ҳаётида фойдаланувчи, декоратив-амалий санъат буюмлари, Абай ҳаёти ва ижодига бағишланган тасвирий санъат асарлари, графиклари, шунингдек Абайнинг асарлари намойиш этилмоқда.
“Абай. Қардош халқлар мероси” кўргазмаси қатор бўлимлардан иборат бўлиб, қуйидагиларни ўз ичига олган:
· Кўчманчи маданият Абай ижоди шаклланишидаги асосий омил;
· Абай ижодида Алишер Навоийнинг тутган ўрни;
· Абай ҳаётининг асосий босқичлари;
· Абай қаҳрамонлари ва сюжетлари мусаввирлар А. Кастеева, У. Тансикбаева, Е. Сидоркина, Н. Отепбаева ва бошқалар ижодида.
Кўргазма очилишидан кейин Қозоғистоннинг Ўзбекистондаги элчихонаси олдида Абай Қўнонбоев ҳайкали пойига гулчамбар қўйиш маросими ўтказилди.
Маросимда Азиз Абдуҳакимов, Даурен Абаев, Бейбут Атамқулов, Ўзбекистон Ёзувчилар уюшмаси раиси Сирожиддин Саййид, Республика Маънавият ва маърифат маркази раҳбари Минҳожиддин Мирзо кабилар сўзга чиқиб, Абай шахси ва ижодини алоҳида эътироф этишди.
Шундан сўнг Абай Қўнонбоев ҳайкали пойига гулчамбар қўйилди. 19 декабрь куни иш бошлаган «Абай. Қардош халқлар мероси» кўргазмаси 30 декабрга қадар давом этади.
