EFFECT.UZ – ҲАҚИҚАТ УЧУН!
Сўнгги янгиликлар
Фарғонада эркак рашк сабаб аёлини бўғиб ўлдирди

Фарғонада эркак рашк сабаб аёлини бўғиб ўлдирди

Фарғона вилоятида Б.Абдураззоқов (исм-фамилиялар ўзгартирилган) биринчи турмушидан ажрашиб, И.Усмонова билан танишиб қолади ва шаръий никоҳдан ўтиб, ижара асосида олинга уйда яшай бошлади. 2021 йилнинг сўнги ойларида Усмонова Марғилон шаҳрида жойлашган ошхонада хизмат кўрсатувчи бўлиб ишлай бошлади. Шу йилнинг декабрида эса Абдураззоқов хотинини рашк қилиб ишдан бўшатиб олади.

2022 йилнинг дастлабки кунларида Усмонованинг телефонига ошхонада аввал бирга ишлаган Ҳ.Маъмуров қўнғироқ қилади. Абдураззоқов телефон аппаратининг овоз кучайтиргичини кўтариб, унга жавоб берганида, эркак кишининг "Ирода опа" деган овози эшитилади, аёли эса дарҳол телефоннинг овоз кучайтиргичини ўчириб, ундан яшириб гаплаша бошлайди.

Абдураззоқов аёлини ишқий муносабатда гаплашяпти, деган гумон билан югуриб бориб телефонни тортиб олади. Камига жаҳл устида аёлнинг юз қисмига бир шапалоқ уради. Шундан сўнг, Усмонова аразлаб ётоқхонага кириб кетади. Эр эса баттар жазавага тушиб, ортидан кириб турмуш ўртоғини бўға бошлайди. Эр шу тахлит беш дақиқача турди: бу вақт оралиғида аёлнинг жони узилади.

«Ички ишлар бўлимига воқеа юзасидан ўзим хабар бердим. Тўғриси, аёлимнинг хулқ-атворида ўзгариш сезилди. Муносабатларимиз салбий томонга ўзгариши, телефонда кўп гаплашадиган бўлиб қолганини ҳазм қила олмадим. Айбимга тўла иқрорман, қонун доирасида енгиллик беришингизни сўрайман», деди кўрсатма берган судланувчи суд жараёнида.

Маълумот учун, Б.Абдуразаковнинг жиноят ишлари бўйича Марғилон шаҳар судининг 2022 йил 25 майдаги ҳукми билан айбли деб топилиб, унга Жиноят кодексининг 97-моддаси 1-қисми (қасддан одам ўлдириш)да назарда тутилган жинояти учун 13 йил озодликдан маҳрум қилиш жазоси тайинланди.

Фарғона вилояти судининг жамоатчилик ва ОАВ билан алоқалар бўлими бош консультанти — Қобилжон Муталиев

«Улашинг»

  • Смайлы и люди
    Животные и природа
    Еда и напитки
    Активность
    Путешествия и места
    Предметы
    Символы
    Флаги
Кликните на изображение чтобы обновить код, если он неразборчив

RATING