Сўнгги янгиликлар
Парламентда Нукус воқеалари бўйича тузилган комиссия ахбороти тингланди
Навоийга Монголиядан 1000 бошга яқин Баят зотига мансуб қўйлар олиб келинди
Фаоллар айтаётган “иқтидор” эгаси оддий “Виртуал валютачи” бўлган...
Рустам Минниханов бошчилигидаги Татаристон делегацияси Навоий вилоятига ташриф буюрди
Тожикистоннинг Конибодомида яна тўрт кишининг жасадлари топилди. Маҳаллий аҳоли ваҳимада
Таҳлил қилинган давлат харидларида «Давлат харидлари тўғрисида»ги қонуннинг тегишли модда талаблари бузилганлик ҳолатлари аниқланди
Ички аудит хизмати ходимларининг фаолияти самарадорлигини баҳолаш тартиби белгиланди
Бугун ҳаво янада совиши кутилмоқда
Telegram Франциянинг юридик сўровларига жавоб бера бошлади
Француз нашрининг маълум қилишича, 2013 йилдан 2024 йилгача Франция полицияси 2460 та сўровига Telegram’дан жавоб олмаган
Павел Дуров ҳибсга олинганидан сўнг Telegram маъмурияти Франция расмийларига жиноий ишлар бўйича бир қанча сўровларга жавоб берди. Бу ҳақда Liberation нашри хабар бермоқда.
“Мессенжер вояга етмаганлар миллий полиция бошқармаси (Офмин) томонидан бир нечта жиноий терговларда берилган сўровларни ҳақиқатан бажарди ва баъзи гумондорларни аниқлаши мумкин бўлган материалларни тақдим этди. Хусусан, гап педофилия ҳақида кетмоқда”, деб ёзади нашр.
Буни Liberation нашрига Париж прокуратураси кибержиноятчиликка қарши кураш бўлими бошлиғи Жоанна Брусс тасдиқлаган.
“Сирлар барибир ошкор бўлади”, деди у.
Павел Дуров 24 август куни кечқурун Париж аэропортида қўлга олинган. Ҳибсга олиш учун ордер, расмийларга кўра, тадбиркор телеграмдан фойдаланиш билан боғлиқ жиноятларни тергов қилишда ҳамкорлик қилишдан бош тортгани билан боғлиқ. 28 август куни Париж суди Дуровни Франциядан чиқиб кетиш тақиқланган ҳолда 5 миллион евро гаров эвазига озод қилган эди.
Liberation нашрига кўра, Дуров сўроқ пайтида Франция контрразведкаси билан махсус алоқа канали борлигини, бу орқали бир неча терактларнинг олди олинганини айтган. Шу билан бирга, манбалар газетага маълум қилишларича, 2013 йилдан 2024 йилгача Франция полицияси Telegram’дан 2460 та сўровга жавоб олмаган.
Дуров ҳибсга олинганидан кейин Сеул полицияси ҳам Telegramʼда чуқур сохта порнолар тарқатилгани сабабли Telegram’да тергов бошлаган эди. Мессенжер Жанубий Корея расмийларининг илтимосига кўра, deepfakeʼлар билан порно контентни олиб ташлаган.
