EFFECT.UZ – ҲАҚИҚАТ УЧУН!
Сўнгги янгиликлар
«Айбни бўйнингга олсанг, биз товон пулини тўлаймиз» – Фарғонада раҳбарлар буйруғини бажарган «Агробанк» собиқ ходими 15 та кам жиноятчига айланди

«Айбни бўйнингга олсанг, биз товон пулини тўлаймиз» – Фарғонада раҳбарлар буйруғини бажарган «Агробанк» собиқ ходими 15 та кам жиноятчига айланди

Фарғона вилояти “Агробанк” АТБ Қува филиали собиқ ходими Рустамжон Жабборов банк собиқ раҳбариятининг айрим ҳатти-ҳаракатларидан шикоят қилиб, Effect.uz ахборот агентлигига мурожаат қилди.

Маълум бўлишича, Рустамжон Жабборов 2011 йил “Агробанк” АТБ Қува филиалида иш бошлаган ва филиал бошқарувчисининг 2020 йил 18 июньдаги қарори билан банк муассиси Бек офисининг оилавий тадбиркорликни кредитлаш бўлими бош менежери, 2021 йил 10 октябрдан бошлаб (047 буйруққа асосан) Бек офисининг кредитларни бошқариш бўлими менежери лавозимида фаолият олиб борган.

2022 йил февраль ойида “Агробанк” АТБ Қува филиали раҳбарияти томонидан амалга оширилаётган қинғир ишлардан хабар топгач, ўз аризасига кўра ишдан бўшаган. Қува тумани прокуратураси томонидан 2022 йил апрель-май ойларида “Агробанк” АТБ Қува филиалида текширувлар ўтказилган.

Иш бўйича Қува прокуратураси Жабборовни дастлаб тергов ишларига гувоҳ сифатида жалб қилиб, кейинчалик тўсатдан уни “Ziyo Saxovati F” МЧЖ ва “Twice Profit” оилавий корхонаси раҳбари Ҳамидулла Содиқов билан тил бириктириб, 195 млн сўм маблағларни ўзлаштиришга шароит яратиб берганликда айблаган ва унга нисбатан ЖКнинг 228-моддаси 2-қисми “а,б” бандлари ва 228-моддаси 3-қисми бўйича жиноят иши қўзғатган.

Жабборовнинг сўзларига кўра, у тергов ҳаракатларига жалб қилинмаган, айблов хулосасига эса терговчи томонидан мажбуран имзо қўйдирилган:

“Дастлаб Қува тумани Департаменти томонидан терговга гувоҳ сифатида суриштирувига жалб қилиндим, кейин Қува тумани Прокуратура терговчиси томонидан айблов эълон қилинганлиги ҳақида хабар топгач, унга имзо чекишдан бош тортдим. Ҳеч қандай юзлаштирувлар ва суриштирувлар олиб борилмаган. Шунга қарамасдан терговчи имзо чекишимни талаб қилди.
“Чорасизлигимдан терговчининг мажбуран ноқонуний талабини бажардим ва ҳужжат остига қўшимча эътирозимни ёзиб қолдирдим. Эътирозда менга қилинган ноҳақлик тўғрисида арзларимни ёзиб қолдиргандим. Бундан аввал олдимга “Агробанк” АТБ Қува филиали бошлиғи ўринбосари Лазизбек Ашуров ва банк собиқ раҳбари келиб, айбни бўйнимга олсам, товон пулини қоплаб беришларини айтишди, аммо мен уларга анча олдин ишдан бўшаганимни айтиб, таклифга кўнмадим”, — дейди Жабборов.

Effect.uz мазкур ҳолат бўйича Фарғона вилояти прокуратураси ва Фарғона вилояти ИИБдан муносабат сўрайди.

«Улашинг»

  • Смайлы и люди
    Животные и природа
    Еда и напитки
    Активность
    Путешествия и места
    Предметы
    Символы
    Флаги
Кликните на изображение чтобы обновить код, если он неразборчив

RATING