“Хорижий компания тиббиёт соҳасини ривожлантириш мақсадида йирик лойиҳалар амалга оширади” – Фарғона ССБ Effect.uz’да ёритилган танқидий масалага муносабат билдирди

Аввалроқ Effect.uz томонидан Фарғонадаги Республика Ихтисослаштирилган она ва бола саломатлиги илмий-амалий тиббиёт маркази филиали хорижий инвесторга қўш-қўллаб топширилгани тўғрисида танқидий видео эълон қилинган эди. Фарғона вилоят соғлиқни сақлаш бошқармаси ҳолат юзасидан расмий маълумот берди.

Унга кўра, Фарғона вилояти делегациясининг жорий йил 27-30-апрель кунлари Қувайт давлати ва Саудия Арабистони подшоҳлигига хизмат сафари якунлари бўйича Фарғона вилояти билан тиббиёт соҳасида ҳамкорлик битими имзоланган.

Унга кўра, ҳамкорликни кучайтириш мақсадида “Gulf Care General Trading Co” (Қувайт, хизмат кўрсатувчи) билан давлат-хусусий шериклиги асосида лабораторияларни тузиш, бошқариш ва синов хизматларини кўрсатиш хақида 2024-йил 27-апрелда меморандум имзоланган ҳамда уни ижросини таъминлаш бўйича вилоят ҳокимлигининг 2024 йил 30 майдаги 04-06/1251-сонли “Йўл харитаси” ишлаб чиқилган.

“Йўл харитаси”нинг 4-бандида Фарғона шаҳрида “Gulf Care General Trade” компанияси томонидан қиймати 10 млн АҚШ долларлик позитрон-эмиссион томография (ПЭТ) марказини қуриш лойиҳасини амалга ошириш чораларини кўриш ҳамда қиймати 5 млн АҚШ долларлик замонавий лаборатория марказини ташкил этиш белгиланган.

Бундан ташқари шу йил 11-12 июл кунлари Президент Шавкат Мирзиёевнинг Фарғона вилоятига ташрифи давомида “Gulf Care General Trade” компанияси бошқарув раиси Др. Эяд Ал-Солиҳ давлат раҳбари билан учрашиб, компания томонидан Фарғона вилоятида амалга оширилиши режалаштирилаётган лойиҳалар тақдимоти ўтказилган. Президент томонидан хорижий инвесторларнинг инвестиция лойиҳалари ҳар томонлама қўллаб-қувватланиши билдирилган. 

Мазкур учрашувдан сўнг, компания вакиллари (Др.Али, Абдуллоҳ, Абдулқодир) Фарғона вилоятига ташриф буюриб, замонавий лаборатория марказини ташкил этиш лойиҳасини амалга ошириладиган вилоят перинатал марказидаги шарт-шароитлар билан танишди ҳамда лойиҳани амалга оширишни бошлаш бўйича вилоят Инвестициялар, саноат ва савдо бошқармаси ва соғлиқни сақлаш бошқармаси билан келишиб олинган.

Шунга кўра, меморандумнинг иловасига мувофиқ Фарғона шаҳридаги 15 та тиббиёт муассасаларида, шундан, Йўл харитага мувофиқ бугунги кунда Фарғона шаҳар А.Навоий МФЙ Ойбек кўчаси 5-уйда жойлашган Республика ихтисослаштирилган она ва бола саломатлиги илмий-амалий тиббиёт маркази Фарғона вилоят филиалида 2023 йилда қурилган Неонатал стационар бўлими биносининг 1-қаватида жойлашган лабораторияси ўрнида давлат-хусусий шериклик асосида замонавий лаборатория марказини ташкил этиш белгиланиб, қўшимча жиҳозлар қуриш учун 1-қаватида жойлашган лаборатори биносида реконструкция ишлари бошланган.

Ушбу объектни вилоят ҳокимлигининг 2024 йил 25 июндаги 03-07/1511-сонли топшириғига асосан реконструкция қилиш ва уларни жихозлаш ишларни амалга ошириш белгилаб берилган.

Мазкур видеода “Бюджет маблағларига янги ўрнатилган жиҳозлар кўчага улоқтириб ташланган, давлат мулкини талон тарож қилиш эмасми, дейилган. Унга жавобан жиҳозлар улоқтирилиб юборилмагани (тиббий жиҳоз эмас, балки қурилиш буюмлари), аксинча эшик ромлар ва бошқа  материаллар ушбу лабораторияга қайта ўрнатилиши кўзда тутилган.

Ушбу лойиҳада замонавий лаборатория хизмати бўйича Республика ихтисослаштирилган она ва бола саломатлиги илмий-амалий тиббиёт маркази Фарғона вилоят филиали беморлари учун бепул таҳлил натижалари тайёрлаб берилиши ҳамда яна бошқа ўнлаб замонавий, сифатли тиббий хизматларни кўрсатиш кўзда тутилган.

Шунингдек, барча ташқи давлатлар ўртасидаги келишувлар ва тегишли ҳужжатлар Фарғона вилояти Инвестициялар, саноат ва савдо бошқармаси томонидан амалга оширилмоқда

Маълумот ўрнида, “Gulf Care General Trading Co” томонидан Фарғона вилоятида тиббиёт соҳасини ривожлантириш аҳолига сифатли тиббий хизмат кўрсатиш мақсадида йирик лойиҳалар амалга ошириш режалаштирилган.

“Effect.uz”ни “Telegram”да кузатинг

“Effect.uz”ни “Facebook”да кузатинг

“Effect.uz”ни “YouTube”да кузатинг

Effect.uz'ни Инстаграмда кузатинг