Сўнгги янгиликлар
АҚШда Киберқўмондонлик ва Миллий хавфсизлик агентлиги раҳбари лавозимдан олинди
Давлат тилида маълумот бермаган ресторанга чора кўрилди
Глобал ишлаб чиқарувчиларга АҚШда жорий этилган божлар Ўзбекистон учун фойдали бўлиши мумкин
Анталия: қадимий харобалар, сўнмас олов, Мовий байроқли пляжлар
Шавкат Мирзиёевнинг “Марказий Осиё – Европа Иттифоқи” биринчи саммитида нутқ сўзлади
Самарқанддаги саммит, халқаро алоқаларни мустаҳкамлаш учун замин яратмоқда...
Бухоронинг тупроқ таркиби ва уларнинг организмларга таъсири тўғрисида ўтказилган тадқиқотлар натижаси эълон қилинди
Автобусда йўл ҳақини тўламаганларга рейд бошланди
«Шуҳрат Абдураҳмоновнинг журналистларга айтган сўзларини оқлаб бўлмайди» – Журналистлар уюшмаси Андижон ҳокимининг ҳаракатларини кескин қоралади
Ўзбекистон Журналистлар уюшмаси Андижон вилояти ҳокими Шуҳрат Абдураҳмоновнинг журналистларга қарата айтган фикрларини кескин қоралади.
Ҳоким журналистларга қарата: «Менинг гапларимдан кавак қидирманглар. Овора бўлиб ёмонлик қидирмаларинг. Қўлларингдан бало ҳам келмайди барибир... Минг ўйлаганинг билан сочинг оқаради ёки тўкилади, холос, бошқа нарса бўлмайди» деган эди.
Андижон ҳокими ушбу сўзларни вилоятда ўтган «Дунё садолари» халқаро фестивали бўйича журналистлар билан Хонобод шаҳрида ўтказилган мулоқотда гапирган. Унда пойтахтдан келган бир гуруҳ марказий оммавий ахборот воситалари вакиллари – журналистлар қатнашган.
«Муҳтарам Президентимиз Шавкат Мирзиёев томонидан мамлакатимизда очиқлик сиёсатини, матбуот ва сўз эркинлигини, журналистларнинг ҳақ-ҳуқуқларини таъминлаш, уларни ҳуқуқий ҳимоя қилиш ҳамда ҳар жиҳатдан қўллаб-қувватлашга алоҳида эътибор қаратилаётган бир пайтда Андижон вилояти ҳокими журналистларга қарата айтган юқоридаги сўзларини ҳеч нарса билан оқлаб бўлмайди.
Вилоят ҳокимлиги ахборот хизмати вакили тақдим этган материалда ҳоким юқоридаги сўзларни журналистларга эмас, бошқаларга айтгани маълум қилинган.
Андижон вилояти ҳокими иштирокидаги айни мулоқотда қатнашган бир қатор марказий ОАВ вакиллари эса Ш.Абдураҳмонов юқорида келтирилган сўзларни журналистларга қарата айтганини тасдиқлашмоқда.
«Дунё садолари» халқаро фестивалига Тошкентдан борган журналистларимиз мазкур тадбирни ёритишда ҳам баъзи тушунмовчиликлар-тўсқинликлар бўлганини айтишмоқда.
Ўзбекистон Журналистлар уюшмаси Ўзбекистон Республикасининг янгиланган Конституцияси 82-моддасида Оммавий ахборот воситаларининг фаолиятига тўсқинлик қилиш ёки аралашиш қонунга мувофиқ жавобгарликка сабаб бўлиши белгиланганини эслатади. Барча мутасадди раҳбарларни Бош қомусимизда мустаҳкамлаб қўйилган ушбу нормага ҳам қатъий амал қилишга чақиради.
Уюшма Андижон вилояти ҳокими билан боғлиқ юқоридаги ҳолатни қоралайди. Ўз навбатида, ушбу ҳолат бўйича тегишли органлардан қонунчиликда белгиланган талабларга мувофиқ муносабат билдиришини сўрайди», дейилади уюшма муносабатида.
Эслатиб ўтамиз, аввалроқ вилоят ҳокимлиги Абдураҳмонов бу сўзларни журналистлардан иборада даврада айтилганини била туриб, раҳбариятини оқлаган ҳолда, «бу журналистларга қаратилмаган эди» дея ёлғон баёнот берган эди. Шундан сўнг ҳодиса ортидан вазият ҳеч қандай ўзгаргани йўқ.
