title

Сўнгги янгиликлар

17:15 / 2025-12-08 28

Қурилиш чиқиндиларини қайта ишлаш бўйича янги талаблар кучга киради

16:59 / 2025-12-08 22

Тошкентда йўл ҳаракатини бошқаришга масъул янги марказ ташкил этилади

15:02 / 2025-12-08 34

Дори ва тиббий жиҳозларни сертификатлашда янги талаблар жорий этилади

14:49 / 2025-12-08 30

Тошкентда автобуслар учун алоҳида йўлаклар кўлами кенгайтирилади

12:23 / 2025-12-08 36

Қамчиқ довонида об-ҳаво кескинлашди: ҳайдовчилардан эҳтиёткорлик сўралмоқда

23:55 / 2025-12-07 83

Президент Шавкат Мирзиёев Ўзбекистон халқига Конституция куни муносабати билан байрам табриги йўллади

23:45 / 2025-12-07 89

Тошкентда гиёҳвандлик моддалари муомаласи билан шуғулланган икки талаба қўлга олинди

22:05 / 2025-12-07 72

Навоийда 300 МВт қуёш фотоэлектр станцияси ва 75 МВт қувватли энергия сақлаш тизими қурилиши бошланди

17:15 / 2025-12-08 28 0 Жамият

Қурилиш чиқиндиларини қайта ишлаш бўйича янги талаблар кучга киради

2026 йилдан бошлаб Ўзбекистонда қурилиш соҳасида ҳосил бўладиган чиқиндиларни йиғиш, қайта ишлаш ва утилизация қилишга оид янги тартиб жорий этилади. Бунда буюртмачилар, ишлаб чиқарувчилар ва назорат органлари учун аниқ мажбуриятлар белгиланмоқда.

Президентнинг “Қурилиш материаллари саноатини ривожлантириш чора-тадбирлари тўғрисида”ги қарорига мувофиқ, 2026 йил 1 июндан бошлаб қурилиш, реконструкция, таъмирлаш ёки бузиш жараёнларида ҳосил бўладиган чиқиндилар махсус қайта ишлаш корхоналари ёки чиқинди полигонларига шартнома асосида топширилиши шарт бўлади. Бу талаб, асосан, юридик шахс бўлган буюртмачиларга нисбатан қўлланилади.

Эндиликда лойиҳа-смета ҳужжатларини тайёрлаш жараёнида ҳам қурилиш чиқиндиларининг тахминий ҳажми, уларни вақтинчалик сақлаш жойлари ва чиқиндилар билан ишлаш тартиби албатта кўрсатилиши шарт. Бу талаблар қурилиш жараёнини бошиданоқ экологик хавфсизлик нуқтаи назаридан режалаштиришни назарда тутади.

Атроф-муҳитга салбий таъсирни камайтириш учун буюртмачи шаҳарсозлик меъёрларига мувофиқ равишда чанг, ёқимсиз ҳидлар ва бошқа зарарли омилларни бартараф этиш чораларини кўриши лозим бўлади.

Хавфли деб топилган қурилиш материалларининг қайта муомалага чиқиб кетишининг олдини олиш мақсадида 2026 йил 1 февралдан бошлаб янги қоидалар амал қилади. Унга кўра, ваколатли органлар томонидан муомаладан чиқарилиши белгиланган материаллар қайта ишлашга ихтисослашган корхоналарга ёки махсус полигонларга юборилиши мажбурий бўлади.

Бу жараён устидан назорат Экология қўмитаси, Давлат экологик назорат инспекцияси ҳамда Техник жиҳатдан тартибга солиш соҳасидаги назорат органлари томонидан амалга оширилади. Шунингдек, тегишли инспекциялар берган мажбурий кўрсатмалар Экология қўмитасининг Ситуацион маркази билан интеграция қилинади. Бош прокуратура эса ушбу талабларнинг аниқ ва тўлиқ бажарилиши устидан қатъий назорат ўрнатади.

Қарорга мувофиқ, Қурилиш ва уй-жой коммунал хўжалиги вазирлиги бир ой муддат ичида газбетон маҳсулотлардан (автоклав ва автоклавсиз усулда ишлаб чиқарилган) фойдаланиш соҳасини аниқ белгилайдиган норматив ҳужжатларга ўзгартишлар киритиш бўйича таклифлар тайёрлайди.

Шунингдек, мамлакатда қурилиш материаллари ишлаб чиқариш ҳажмини 62 триллион сўмга етказиш ҳамда соҳани ривожлантириш учун 3,5 миллиард АҚШ доллари миқдорида инвестиция лойиҳаларини амалга ошириш режалаштирилган.

2026 йил 1 мартдан бошлаб эса “Техник тартибга солиш” ҳамда “Шаффоф қурилиш” ахборот тизимлари ўзаро интеграция қилиниб, хавфсизлик стандартларига жавоб бермайдиган қурилиш материаллари ишлаб чиқарувчи ва етказиб берувчи корхоналарнинг ягона реестри юритилади.