title

Сўнгги янгиликлар

16:59 / 2025-12-08 6

Тошкентда йўл ҳаракатини бошқаришга масъул янги марказ ташкил этилади

15:02 / 2025-12-08 26

Дори ва тиббий жиҳозларни сертификатлашда янги талаблар жорий этилади

14:49 / 2025-12-08 22

Тошкентда автобуслар учун алоҳида йўлаклар кўлами кенгайтирилади

12:23 / 2025-12-08 30

Қамчиқ довонида об-ҳаво кескинлашди: ҳайдовчилардан эҳтиёткорлик сўралмоқда

23:55 / 2025-12-07 77

Президент Шавкат Мирзиёев Ўзбекистон халқига Конституция куни муносабати билан байрам табриги йўллади

23:45 / 2025-12-07 84

Тошкентда гиёҳвандлик моддалари муомаласи билан шуғулланган икки талаба қўлга олинди

22:05 / 2025-12-07 67

Навоийда 300 МВт қуёш фотоэлектр станцияси ва 75 МВт қувватли энергия сақлаш тизими қурилиши бошланди

16:50 / 2025-12-07 96

Қозоғистондаги аварияда Ўзбекистон фуқаролари ҳалок бўлди

15:02 / 2025-12-08 26 0 Жамият

Дори ва тиббий жиҳозларни сертификатлашда янги талаблар жорий этилади

Ўзбекистонда фармацевтика соҳасидаги сертификатлаштириш тартиби қайта кўриб чиқилмоқда. 2027 йилдан бошлаб дори воситалари ва тиббий жиҳозлар учун халқаро стандартларга мос миллий сертификатларни талаб қилиш режалаштирилган.

Соғлиқни сақлаш вазирлигининг тегишли буйруғи лойиҳаси билан “Фармацевтика маҳсулотларини сертификатлаштириш қоидалари”га ўзгартириш ва қўшимчалар киритилди. Янгиланган ҳужжатга кўра, фармацевтика маҳсулотлари тушунчаси кенгайтирилиб, унга дори воситалари билан бирга тиббий жиҳозлар ҳам киритилади.

Янги тартибга мувофиқ, сертификатлаштириш хизматлари учун тўловлар энди мувофиқликни баҳолаш натижасидан қатъи назар, фақат ҳақиқий харажатлар асосида ундирилади. Барча иш жараёнлари тўлов олдиндан амалга оширилганидан сўнг бажарилади.

Бундан ташқари, 2027 йил 1 январдан бошлаб дори воситалари учун ишлаб чиқарувчининг “Зарур ишлаб чиқариш амалиёти” (GMP) бўйича миллий сертификати, 2027 йил 1 июлдан эса тиббий жиҳозлар учун ISO 13485 миллий стандартига мувофиқлик сертификати талаб қилиниши белгиланган.

Шу билан бирга, айрим ҳолатларда ушбу талаблар қўлланмайди. Жумладан, кам учрайдиган (орфан) касалликлар учун мўлжалланган ва махсус буюртма асосида олиб кириладиган маҳсулотларга, мажбурий сертификатлаштиришдан озод тиббий жиҳозларга, тан олиш тартиби орқали рўйхатдан ўтказиладиган воситаларга ҳамда Жаҳон соғлиқни сақлаш ташкилоти томонидан қайта малакаланган маҳсулотларга мазкур талаблар татбиқ этилмайди.

Шунингдек, намуна олиш ва ҳужжатлаштириш жараёнлари тўлиқ рақамлаштирилади. Энди барча далолатномалар sertifikat.tris.uz электрон платформаси орқали расмийлаштирилиб, электрон рақамли имзо билан тасдиқланади.