Сўнгги янгиликлар
Туркиядаги Халқ кутубхонаси жаҳон кутубхоналари учун андаза бўлмоқда
Иқтисодчи Отабек Бакиров Ўзбекистонда меҳнат таътили кунлари 24 кундан 21 кунга камайтирилди деб ёзди, аслида эса 15 кундан 21 кунга оширилган ва тўланадиган маблағ ҳам кўпайтирилган бўлиб чиқди
Ҳайвон ҳам бунчалик хўрланмайди – Оққўрғондаги зўравонлик ҳақида очиқланмаган фактлар…
Шавкат Мирзиёев Мудофаа саноати агентлигининг Инновацион технологиялар марказига ташриф буюрди
Ҳар қандай масалага қулай позицияда эмас, ҳар томонлама ва холисона ёндошиш керак – Насимбек Азизов
Қурилиш майдонида одам ҳалок бўлган «Аския Cитй»да 5 йилдан буён ноқонуний қурилиш давом этаётгани маълум бўлди
Россияда самолёт қаттиқ қўниши оқибатида икки киши ҳалок бўлди
Нурота тумани «Мурувват» уйида ёш шоир Шоди Ражабовнинг «Ҳаётни севинг» номли шеърий тўпламининг тақдимоти бўлиб ўтди
Устоз Шифу Тай Лунгга қарши ёхуд «Темир Майк» яна рингга қайтади
Эшитган бўлсангиз керак 57 ёшли Майк Тайсон айни вақтда “маҳлуқ” лақабини олган блогер Жейк Полга қарши жанг ўтказишга рози бўлди. Хорижий нашрлар ушбу жангни қўлдан келганча “шиширишга” уринишмоқда, ҳақиқатдан ҳам ажиотаж кучли.
Ушбу хабарни ўқиганимдан кейин «Кунг-фу Панда» мултфильмидаги устоз Шифу ва унинг шогирди Тай Лунг қарама-қаршилиги кўз олдимга келди. Гарчи Шифу мингчандон ақлли ва тажрибали бўлмасин, қонга ташна бўлган шогирдини енга олмаганди.
Тай Лунг устозини шафқатсизларча калтаклагани ёдингизда-а? Экспертлар Тайсон-Пол жангида ҳам шундай бўлишини тахмин қилишмоқда…
Ўзи “Темир Майк” нимани исботламоқчи ёки мақсад “соққа” қилишми? Жейк отаси тенги Тайсонни нега жангга чақирди? Мақоламизда қуйидаги келтирилган саволларга жавоб топишга ҳаракат қиламиз.
Жейк Пол “калишдан баланд” сакрадими?
Жейк Пол охирги йилларда нафақат блогерлик билан, балки ўзининг боксдаги жанглари билан одамларни ҳайратлантирмоқда. Манаман деган профессионаларни ер тишлатишга улгурган Жейк, илк жангини 2020 йил блогер Али Эсон Гиб ва баскетболчи Нейт Робинсонга қарши ўтказди.
Қоннинг “таъмини” сезган Пол профессионаллар шудгорига “тош отиш”ни бошлади. Дастлаб, биринчи раундда Бен Аскрен кейин эса Тайрон Вудлини мағлуб қилган блогер унга ишонмаган экспертларни уялтириб қўйди.
Вудлига қарши реванш жангда эса, собиқ UFC жангчисини олтинчи раундда нокаутга учратди. Вудлидан кейинги “нишон” собиқ UFC чемпиони Андерсон Силва бўлди. Натижада Пол яна ғолиб бўлди.
2023 йил Жейк Тайсон Фюрининг укаси Томми Фюрини рингга чорлади. Аммо трештоклар рингда фойда бермади, бонг урилгандан кейин ғолиблик мақоми Фюрига топширилди.
Бироқ Пол тўхтамади ва кетма-кет ғалабаларни қўлга кирита бошлади. У “ганстер” Нейт Диаз, Андре Август ва Раян Бурландни “бурдалаб” ташлади.
Шундан сўнг, у бокснинг тирик афсонаси 58 ёшли Майк Тайсон билан жанг қилиш истаги борлигини айтди. Промоутерлар буни тезлик билан ташкил қилишди, Майкни кўндириш ҳам унчалик қийин бўлмади. Айни вақтда экспертлар ушбу жангда Жейк Полни фаворит деб ҳисоблашмоқда, лекин ҳаммасини вақт кўрсатади…
Ношуд блогерга боксдан “дарс беришми ёки “соққа” қилиш? “Темир Майк” нега рингга қайтмоқчи?
Майк Тайсон 58 ёшга киришига оз қолди, лекин шундай бўлсада, у ижтимоий тармоқларда ўзининг юқори формасини ҳали ҳам сақлаб турганини кўрсатмоқда. Тайсоннинг гуллаган даврига назар соладиган бўлсак, у фаолияти давомида 58 та жанг ўтказиб, ундан 50 тасида ғолиб бўлган (44 таси нокаут). Бироқ бунинг ҳаммаси тарихда қолди.
Тайсон сўнгги бор расмий жангда иштирок қилганига нақд 19 йил бўлди. Ўшанда “Темир Майк”” Кевин Макбрайддан, сўнгра Денни Уилмсдан мағлуб бўлган.
Тайсон 2020 йил Рой Жонсга қарши ҳайрия жангида жанг қилди. Ҳакамлар афсоналарни ранжитмаслик учун дуранг натижа бўлганини эълон қилишган бўлсада, Майк Жонсга қараганда анча тезкор эканлигини кўрсатганди. Энг қизиғи ушбу кардда, Жейк Пол ҳам дебют жангини ўтказган.
Шу вақтгача Тайсон Френсис Нганнуни секунданти бўлиб келмоқда. Лекин яқинда Нганну Энтони Жошуа томонидан нокаутга учратилди. Иккита жанг, барчаси мағлубият… Хулоса қиладиган бўлсак Тайсон натижага “тупурган” ва уни кўпроқ ваъда қилинган "ёғли" гонорар қизиқтирмоқда.
Хулоса
Жейк Полга тана тузилиш, бўй-баст ва узун қўллар ёрдам берса, Тайсон оғир вазни ва такрорланмас техникаси билан ажралиб туради. Албатта Майка ортиқча вазн устунлик бермайди, аксинча унинг ҳаракатларини секинлаштиради. Вақт тарозиси ким томонда? Буни вақт кўрсатади…
Экспертларнинг айтишига қараганда, ушбу жанг ҳаққоний бўлмайди, чунки блогер афсонага қарши бор кучини ишлатмайди. Ҳурмат юзасидан ҳам у буни қилмаслиги керак, қилса ҳам мухлислар қарғишига қолиши турган гап.
Катта эҳтимол бу қарама-қаршилик шоу сифатида ташкил қилинган бўлиб, мақсад кам ҳаракат ва ҳаётдан умиди сўнган инсонларни спортга қизиқтириш орқали ҳаётга қайтариш.
Жанг қаерда ва қачон бўлади?
Афсонавий Майк ва Пол ўртасидаги жанг 2024 йил 20 июль куни Техасдаги “Эй-ти-энд-ти Стедиум” аренасида бўлиб ўтади. Жанг тўғрима-тўғри Netflix платформасида эфирга узатилади. Аренага эса 20 минг мухлис келиши кутилмоқда.
Аброр Эшонхонов тайёрлади
