Сўнгги янгиликлар
“Open budget”нинг тарғибот босқичига старт берилди
Каппадокия Michelin қўлланмасига киритилди
Ғазалкентда савдо дўкони ёниб кетди
Туркий давлатларнинг 7-ёзги туркология ўқишлари бўлиб ўтди
Фанлар академияси асаларининг яширин “душмани” кимлигини аниқлади
Мурожаатлар Президентгача етиб бормаяпти, ёхуд енгилган курашга тўймас…
Терговчи ва судьянинг хатоси – «хато», оддий фуқароники эса – «жиноят»ми?
"Уч қаҳрамон" бозоридаги ёнғинда 74 млрд сўм зарар кўрилган
Эквадордаги тартибсизликлар фонида 70 киши ҳибсга олинди
Эквадорда мамлакатдаги тартибсизликлар оқибатида 70 киши ҳибсга олинди, дейилади Х ижтимоий тармоғида.
Сўнгги маълумотларга кўра, Гуаякил ва қўшни Нобол шаҳридаги тартибсизликлар чоғида камида ўн киши, жумладан, икки полициячи ҳалок бўлган.
Шунингдек, ҳуқуқ-тартибот идораларининг 3 нафар ходими қўйиб юборилган, 17 нафар маҳбус қўлга олиниб, қайта ҳибсга олинган.
Эквадор Қуролли кучлари қўшма қўмондонлиги раҳбари Хайме Вела Эразо Хавфсизлик кенгаши йиғилиши якунлари бўйича жиноий гуруҳларни ҳарбий нишонлар деб эълон қилди ва улар билан ҳеч қандай музокаралар ўтказилмаслигини маълум қилди.
Қайд этилишича, Эквадорда, йил бошида, бир қатор қамоқхона тартибсизликлари бўлиб ўтди, энг йирик тўдаларнинг раҳбарлари қамоқдан қочиб кетишди.
Президент Даниэл Нобоа Қуролли Кучларни назоратни тиклашга жалб қилиш учун 60 кунлик фавқулодда ҳолат эълон қилди.
У мамлакатда ички қуролли можаро содир бўлаётганини эълон қилди ва армияга ўн минглаб иштирокчилардан иборат 22 жиноий гуруҳни зарарсизлантиришни буюрди.
Ҳукуматнинг ҳаракатлари нотинчлик тўлқинига сабаб бўлди. Сешанбага ўтар кечаси жиноятчилар машина ва автобусларни ёқиб юборишди, Гуаякилда портлашлар содир бўлди.
Тўғридан-тўғри эфир вақтида TC телеканали студиясини қуролланган шахслар эгаллаб олди. Жонли эфирда қурол ва гранаталарни кўтарган бандитлар «полиция кетсин» деган қичқириқлар остида бошловчига таҳдид қилишди. Шунга қарамай, хавфсизлик кучлари барча гаровга олинганларни озод қилишга муваффақ бўлди ва жиноятчиларни қўлга олди.
