Сўнгги янгиликлар
Мурожаатлар Президентгача етиб бормаяпти, ёхуд енгилган курашга тўймас…
Терговчи ва судьянинг хатоси – «хато», оддий фуқароники эса – «жиноят»ми?
"Уч қаҳрамон" бозоридаги ёнғинда 74 млрд сўм зарар кўрилган
“Афросиёб” тезюрар поездига нисбатан қўпорувчилик ҳаракати содир этган темирйўлчилар узоқ муддатга озодликдан маҳрум қилинди
Янги Тошкент метро линияси 2026 йилда қуриб битказилади
Ўзбекистон юқори даромадли давлат бўлиши учун 100 йил керак
Хорватияга ишга юборишни ваъда қилган фирибгарлар ушланди
Миграция агентлиги хориждаги фуқароларни уруш хавфидан огоҳлантирди
Солиқ идораларининг бир нечта мансабдор шахслари қамоққа олинди
Солиқ қўмитаси ҚҚС маъмуриятчилиги бошқармаси ҚҚС тўловчиларини махсус рўйхатдан ўтказиш бўлими бошлиғи ҳамда қўмитанинг Солиқ тўловчиларга хизмат кўрсатиш департаменти директори ўринбосари қамоққа олинди. Бу ҳақда “Bugun.uz” ўзининг манбаларига таяниб хабар бермоқда.
Хабарга кўра, “хуфиёна” тадбиркорлик субъектларининг ноқонуний фаолиятларига раҳнамолик қилган солиқ идоралари мансабдор шахслари ҳибсга олинган.
Давлат Солиқ қўмитаси ҚҚС маъмуриятчилиги бошқармаси ҚҚС тўловчиларини махсус рўйхатдан ўтказиш бўлими бошлиғи ҳамда қўмитанинг Солиқ тўловчиларга хизмат кўрсатиш департаменти директори ўринбосари – ҚҚС маъмуриятчилиги бошқармаси бошлиғи қамоққа олинган.
Шунингдек, Тошкент шаҳар Солиқ бошқармаси камерал солиқ текширувлар шўбаси бошлиғи лавозимида ишлаган мансабдор ҳам ҳибсга олинган. Улар ўзлаштириш ва растрата йўли билан талон-торож қилиш ҳамда мансаб сохтакорлиги моддалари билан гумонланувчи тариқасида ҳибсхонага жойлаштирилган.
Фарғона вилояти Солиқ бошқармаси ҚҚС маъмуриятчилиги бўлими бошлиғи Жасур А. ҳамда мазкур бошқарма ҚҚС маъмуриятчилиги бўлими давлат солиқ катта инспектори К.С қамоққа олинган.
Шунингдек, Фарғона шаҳар солиқ инспекцияси сайёр солиқ текширувлари шўъбаси бош инспектори А.А пора олишда гумонланиб, “олиб кетилган”.
Аввалроқ собиқ қишлоқ хўжалиги вазири Азиз Воитов ҳибсга олингани ҳақида хабар берилганди. Бундан ташқари, Тошкент вилояти Бекобод тумани ҳокими Шуҳрат Мирзаев коррупцияга қарши курашиш тадбири доирасида бюджет пулларини ўзлаштирганликда айбланиб қўлга олинганди. Наманган вилояти ҳокимининг ўринбосари Саидаҳмад Султанов ерларни ноқонуний сотиш билан боғлиқ иш доирасида ушлангани ҳам маълум қилинганди.
