title

Сўнгги янгиликлар

10:59 / 2025-12-09 33

Тошкентда хусусий клиникада бурун операцияси вақтида 31 ёшли эркак вафот этди

10:28 / 2025-12-09 23

Сирдарё вилояти ҳокимига ўринбосар тайинланди

10:18 / 2025-12-09 59

Давлат хизматини бошқаришда янги тизим: 33 та ҳудудда натижага асосланган модел жорий этилади

09:10 / 2025-12-09 65

Ўзбекистоннинг 38 та университети UI GreenMetric 2025нинг топ-1000 талигига кирди

08:07 / 2025-12-09 42

Марказий Осиёда киберхавфсизлик таҳдиди кучайди: Google ва Apple оммавий огоҳлантиришлар юбормоқда

19:02 / 2025-12-08 78

Нурафшонда прокуратура учун автотураргоҳ қурилиши ҳақидаги хабарларга изоҳ берилди

17:15 / 2025-12-08 71

Қурилиш чиқиндиларини қайта ишлаш бўйича янги талаблар кучга киради

16:59 / 2025-12-08 67

Тошкентда йўл ҳаракатини бошқаришга масъул янги марказ ташкил этилади

10:59 / 2025-12-09 33 0 Жамият

Тошкентда хусусий клиникада бурун операцияси вақтида 31 ёшли эркак вафот этди

Пойтахтнинг Олмазор туманидаги хусусий тиббиёт муассасасида бурунни тузатиш учун операцияга кирган 31 ёшли эркак жарроҳлик амалиёти пайтида ҳаётдан кўзюмди. Бу ҳақда “Миллий” телеканалининг “Миллар” дастурида хабар берилди. Ҳолат юзасидан прокуратура томонидан тергов бошланган.

Тошкент шаҳрининг Олмазор туманида жойлашган хусусий клиникалардан бирида 31 ёшли бемор бурун операцияси пайтида вафот этгани ҳақида “Миллий” телеканалининг "Миллар" дастурида маълум қилинди. Марҳумнинг яқинлари таъкидлашича, у нафас олишдаги муаммолар туфайли жарроҳлик амалиётига розилик билдирган ва Қорақамиш ҳудудидаги хусусий клиника ҳақида ижобий фикрлар эшитганидан сўнг ушбу муассасани танлаган.

Операциядан олдин бемор зарур тиббий текширувлардан ўтган ва шифокорлар томонидан амалиётга рухсат берилган. Аммо 12 ноябрь куни тахминан соат 11:30 да бошланган операциядан кўп ўтмай беморнинг юраги тўхтагани айтилади. Яқинларига ўлим ҳақида бир неча соат ўтгач маълум қилинган.

Марҳумнинг отаси операция хонасидаги шароитлардан қаттиқ норозилик билдирган. Унинг айтишича, ўғли амалиёт чоғида махсус тиббий кийимда эмас, балки оддий кийимда бўлган, зарур аппаратлар ҳам кўринмаган.

Дастлабки маълумотларга кўра, бемор анафилактик шокка учраган, юраги эса номаълум сабаб билан ишдан тўхтаб қолган. Яқинлар эса наркоз миқдори нотўғри берилиши мумкинлигини иддао қилмоқда.

Ресми манбалар клиника номини очиқламаган бўлса-да, ижтимоий тармоқларда кечаётган маълумотларга кўра, операция Олмазор туманидаги “Иботов” клиникасида ўтказилгани айтилмоқда. Марҳумнинг қариндошлари клиника воқеадан сўнг ҳалигача таъзия билдирмагани ва ўз фаолиятини давом эттираётганидан эътироз билдирмоқда.

Айни вақтда Олмазор тумани прокуратураси ушбу ҳолат юзасидан тергов ҳаракатларини олиб бормоқда.

Сўнгги йилларда бурун пластикаси билан боғлиқ ўлим ҳолатлари бир неча бор қайд этилган. 2025 йил апрелида Фарғонада, июнь ойида Самарқандда, августда Тошкентда шунга ўхшаш ҳолатлар содир бўлган. 2023 йилда блогер Фарҳод Маннопов ҳам бурун операциясидан кейин вафот этган эди.