title

Сўнгги янгиликлар

17:24 / 2025-01-04 295

Сторителлинг ва мутолаанинг инсон ривожидаги ўрни...

15:53 / 2024-12-26 978

Парламентда Нукус воқеалари бўйича тузилган комиссия ахбороти тингланди

17:32 / 2025-01-04 1125

Навоийга Монголиядан 1000 бошга яқин Баят зотига мансуб қўйлар олиб келинди

14:31 / 2024-12-19 1595

Фаоллар айтаётган “иқтидор” эгаси оддий “Виртуал валютачи” бўлган...

19:41 / 2024-12-18 1484

Рустам Минниханов бошчилигидаги Татаристон делегацияси Навоий вилоятига ташриф буюрди

22:41 / 2024-12-16 2228

Тожикистоннинг Конибодомида яна тўрт кишининг жасадлари топилди. Маҳаллий аҳоли ваҳимада

21:03 / 2024-12-16 1796

Таҳлил қилинган давлат харидларида «Давлат харидлари тўғрисида»ги қонуннинг тегишли модда талаблари бузилганлик ҳолатлари аниқланди

13:53 / 2024-12-16 1852

Ички аудит хизмати ходимларининг фаолияти самарадорлигини баҳолаш тартиби белгиланди

15:22 / 2023-11-28 478 0 Жамият

Ўзбекистонда жарима баллари тизими ишга туширилиш арафасида. Қоидабузар ҳайдовчилар транспорт бошқариш ҳуқуқидан маҳрум этилади

Олий мажлис Қонунчилик палатасининг мажлисида «Йўл ҳаракати хавфсизлиги тизими такомиллаштирилиши муносабати билан Ўзбекистон Республикасининг Жиноят кодекси, Жиноят-процессуал кодекси ва Ўзбекистон Республикасининг Маъмурий жавобгарлик тўғрисидаги кодексига ўзгартириш ва қўшимчалар киритиш ҳақида»ги қонун лойиҳаси кўриб чиқилмоқда.

Таъкидланишича, қонун лойиҳаси билан йўл-транспорт ҳодисаларининг олдини олиш, қўпол қоидабузарликлар содир этган шахсларга нисбатан жазо муқаррарлигини таъминлаш, транспорт воситасини бошқариш ҳуқуқидан маҳрум бўлган шахс томонидан транспорт воситасини такроран бошқариш учун жиноий жавобгарликни белгилаш назарда тутилмоқда.

Транспорт воситаси ҳайдовчилари томонидан доимий равишда қоидабузарлик содир этганлик учун жарима баллари ҳисоблаш тизимини жорий этиш ҳам белгиланмоқда. Яъни, ушбу норма билан ҳисобланган жарима баллари бир йил давомида ўн икки баллдан ошган ҳолларда охирги содир этилган ҳуқуқбузарлик учун қўшимча жазо тариқасида ҳайдовчини транспорт воситасини бошқариш ҳуқуқидан маҳрум қилиниш тартиби жорий этилади.

Мазкур тартибга мувофиқ, ҳайдовчи бир йил давомида йўл ҳаракати қоидалари билан боғлиқ ҳуқуқбузурликларни содир этиш йўли билан белгиланган миқдордаги жарима балларини тўплаган тақдирда унга нисбатан транспорт воситасини бошқариш ҳуқуқидан маҳрум қилиш жазоси қўшимча жазо сифатида қўлланилади.

Мажлисда таъкидланганидек, қонун лойиҳаси билан транспорт воситасини бошқариш ҳуқуқидан маҳрум қилиш жазосини судлар томонидан қўлланишини инобатга олиб, Йўл ҳаракати қоидабузарликлари бўйича ҳисобланадиган жарима баллари белгиланган миқдордан ошганлик учун маъмурий жазосини жиноят ишлари бўйича туман (шаҳар) суди томонидан қўллаш тартиби юритилади.

Бундан ташқари, сиқилган табиий газда, суюлтирилган нефть газида ишлайдиган транспорт воситалар билан боғлиқ ҳодисалар бўйича алоҳида моддалар билан маъмурий ва жиноий жавобгарликни белгилаш назарда тутилмоқда.