title

Қашқадарё вилояти ҳокими Муротжон Азимов Президентнинг жорий йил 24-25-октябрь кунлари вилоятга ташрифлари давомида берилган топшириқлар ижросини таъминлаш, вилоятни ижтимоий-иқтисодий, инвестициявий салоҳиятини ривожлантириш ва бир қатор соҳаларда амалга оширилаётган ишлар муҳокама қилди, дея хабар бермоқда вилоят ҳокимлиги матбуот хизмати.

Таъкидланишича, вилоятда жорий йилда 26 та лойиҳа доирасида қиймати 1,1 трлн. сўмлик импорт ўрнини босувчи саноат маҳсулотлари ишлаб чиқарилмоқда аммо, бу талабнинг қондириш борасида жуда паст кўрсаткич бўлиб келмоқда.

Бу йўналишда вилоятнинг Миришкор, Касби, Чироқчи, Нишон туманларида 2022-2023 йилларда бирорта ҳам янги лойиҳалар амалга ошириш бўйича таклифлар ишлаб чиқилмаган.

Бундан ташқари, кредит маблағларини ўзлаштириш, лойиҳаларни молиялаштириш ҳамда муаммоли кредитларни ундириш масалалари ҳам танқидий муҳокама қилиниб, хато ва камчиликларга йўл қўйган Нишон, Шаҳрисабз, Қарши, Қамаши Яккабоғ, Миришкор, Косон, Ғузор туманлари ҳокимларининг биринчи ўринбосарлари ҳамда Муборак, Миришкор, Кўкдала, Ғузор, Деҳқонобод, Нишон ва Касби туманлари ҳокимларининг инвестиция масалалари бўйича ўринбосарлари Агробанк, Халқ банк, Турон банк вилоят филиаллари томонидан олиб борилган ишлар қониқарсиз деб топилди.

Шунингдек, куз-қиш мавсумида ижтимоий соҳа объектлари ва аҳоли турар-жойларини тайёргарлиги, ҳудудий инвестиция лойиҳаларини молиялаштириш, экспорт масалалари, "Яшил макон" умуммиллий лойиҳаси доирасида кўчат экиш ишлари, маҳалла ва қабристонлар ободлиги, жойларда озиқ-овқат ярмаркаларини ташкил этилиши каби бир қатор масалалар танқидий-таҳлилий муҳокама қилинди ва кун тартибидаги масалалар бўйича камчиликларга йўл қўйган масъулларга тегишли тартибда чоралар қўлланилиши қайд этилди.