EFFECT.UZ – ҲАҚИҚАТ УЧУН!
Сўнгги янгиликлар
"Янги Андижон" боғининг 53 гектари бу йил тўлиқ битказилади

"Янги Андижон" боғининг 53 гектари бу йил тўлиқ битказилади

Бугун Андижон вилоятида ўтказиб келинаётган "Ёшлар фестивали" доирасида 30га яқин журналист ва блогерлар учун Туризм ва маданий мерос вазирлиги томонидан инфо тур ташкил этилди.

Меҳмонлар Андижон темир йўллари вокзалида тантанали равишда кутиб олинди. Инфо тур давомида Андижон ва Хонобод шаҳар, Қўрғонтепа ва Хўжаобод туманларига саёҳат уюштирилиши режалаштирилган.

Мазкур пресс турни ўтказишдан кўзланган асосий мақсад эса Андижон вилояти туризм салоҳиятини намоён этиш, мавжуд туристик объектлар бўйича маълумотлар бериш, қолаверса,  ёшлар форуми якуний тадбирларида қатнашишдан иборат. Пресс тур иштирокчиларининг дастлабки манзили - Андижон шаҳридаги "Муҳаммад Юсуф" номидаги ижод мактаби бўлди. Мактаб маъмурияти меҳмонларни  мактаб фаолияти қолаверса, ўқувчилар учун яратилган шароитлар билан яқиндан таништирдилар. Шунингдек, иштирокчилар Муҳаммад Юсуфнинг буюмларидан ташкил топган музейни ҳам кўздан кечириб шоирни хотирлади.

Пресс-тур иштирокчилари "Янги Андижон" боғини қурилиш объекти билан яқиндан танишдилар. Мазкур объект тўлиқ 20 йилда қуриб битказилиши режалаштирилган. Умумий майдони 4 минг гектарни ташкил этувчи ушбу объектнинг 53 гектари бу йил тўлиқ битказилади. Шу ўринда, таъкидлаш керакки, мазкур объектда 192та  кўп қаватли уйлар 1680 ўринли мактаб, 420 ўринли мактабгача таълим муассасаси, 250 қатновли оилавий поликлиника 10 минг куб сувни тозалаш иншоотини қуриш назарда тутилган.

 

«Улашинг»

  • Смайлы и люди
    Животные и природа
    Еда и напитки
    Активность
    Путешествия и места
    Предметы
    Символы
    Флаги
Кликните на изображение чтобы обновить код, если он неразборчив