"Тез ёрдам машинасида Юранинг юраги тўхтаб қолди!" — Россиялик қўшиқчи Юрий Шатунов вафот этди
Россиялик қўшиқчи Юрий Шатунов 48 ёшида тез ёрдам машинасида олиб кетилаётган вақтида вафот этди. Бу ҳақида Юрий Шатуновнинг директори Аркадий Кудряшов хабар берган.
"Бугун кечқурун тез ёрдам машинасида Юранинг юраги тўхтаб қолди", дейди Кудряшов.
Юрий Шатуновнинг веб-сайтидаги расмий таржимаи ҳолида айтилишича, у 1973 йилда Пятки қишлоғида айнан тез ёрдам машинасида касалхонага кетаётганда туғилган.
Россиялик хонанда, “Тендер Май” гуруҳининг собиқ солисти ҳисобланади. Унинг "Не бойся", "Седая ночь", "Белие розы" каби машҳур қўшиқлари Ўзбекистонда ҳам севиб тингланган.
«Улашинг»
