So`ngi yangiliklar
Istanbul 18–21 sentyabrda Bosfor Kubogi 2025 qayiqlar poygasiga mezbonlik qiladi
Hamyurtimiz “Yuksak ehtirom” xalqaro esdalik ko‘krak nishoni bilan taqdirlandi
Farg‘ona dehqon bozoridagi narx-navo xalq uchunmi yoki…
Sentyabrdan boshlab migrantlar ilova orqali kuzatiladi
Kasb va xorijiy tillarga oʻqitish uchun vaucher berish tartibi belgilandi
Kasb va xorijiy tillarga oʻqitish uchun vaucher berish tartibi belgilandi
Fargʻonada uy bogʻchasida 43 nafar bolaga noqonuniy diniy saboq berib kelingani aniqlandi
Oʻzbekiston va Iordaniya oʻrtasida 15 ta hujjat imzolandi
Afgʻonistondagi Alisher Navoiy haykali buzib tashlandi
“Tolibon” esa hozircha bu ish yuzasidan hech qanday izoh bermagan.
Afgʻonistonning “Tolibon” muvaqqat hukumati Mozori Sharif shahrida Temuriylar davrida yashagan buyuk shoir va mutafakkir Alisher Navoiyning haykalini butunlay buzib tashladi. Bu haqda “Amu” xabar berdi.
Qayd etilishicha, “Tolibon”ning bu harakati qator ziyolilar va siyosatchilarining gʻazabini keltirib chiqargan. Ularning aytishicha, “Tolibon” nafaqat boshqa millatlarning maʼnaviy qadriyatlari va insoniyatning tarixiy faxriga eʼtibor bermayapti, balki amalda mamlakatning madaniy va tarixiy oʻzligini yoʻq qilish va kamsitish bilan shugʻullanmoqda.
Shuningdek, faol fuqarolar bugun, 20-avgust kuni muvaqqat hukumatning bu ishini qoralab, bayonot bilan chiqqan. 20 ta fuqarolik va ijtimoiy tashkilot tomonidan tayyorlangan bu qoʻshma bayonotda Alisher Navoiyning haykalini buzish “xalqning umumiy xotirasiga va Afgʻonistonning oʻzligiga hujum” sifatida baholangan.
Ushbu tashkilotlar xalqaro hamjamiyatni, UNESCOʻni, xalqaro tashkilotlarning madaniy muassasalarini va inson huquqlari himoyachilarini Afgʻoniston xalqlarining tarixiy va madaniy merosini himoya qilish uchun darhol chora koʻrishga chaqirgan.
Qayd etish joiz, haykalning buzilishi ijtimoiy tarmoqlarda ham aks sado bergan. Qobul universitetining oʻzbek adabiyoti professori Abdulhanon Qilich Arslon Facebookʼda bu ishni “adolatdan tashqari” deb atab, voqea boʻyicha aniqlik kiritishni talab qilgan.
Alisher Navoiyning haykali taxminan 17-yil avval Mazori Sharif shahar hokimiyati tomonidan, uning xotirasini yodga olish maqsadida oʻrnatilgan edi.
Avvalroq ham Navoiyning haykali qisman buzilgani haqida xabarlar chiqqan, ammo “Tolibon” rasmiylari uning butunlay buzilishi haqida hech qanday izoh bermagan.
