So`ngi yangiliklar
Vyetnam Adliya vazirligi sud qarorlarini ijro etish boshqarmasi vakillari uchun taqdimot tashkil etildi
Oʻzbekistonda korxona va tashkilotlar soni 462,2 mingtaga yetdi
Qimor xizmatlarini reklama qilgani uchun ikki bloger javobgarlikka tortildi
Xavf ostida yashayotgan bandixonliklar
Qora dengiz: Turkiyaning yashil marvaridi
Yakka tartibdagi tadbirkorlar va oʻzini oʻzi band qilgan shaxslar uchun maxsus huquqiy rejim joriy etiladi
Oʻzbekistonda Umraga yuboruvchilar boʻyicha «Sirli mijoz« yashirin nazorat tadbirlari oʻtkaziladi
Toshkentda mast erkak devordan tanishining mashinasi ustiga sakrab, uni haydab ketdi
Oʻzbekistonda Umraga yuboruvchilar boʻyicha «Sirli mijoz« yashirin nazorat tadbirlari oʻtkaziladi
Din ishlari boʻyicha qoʻmita qarori bilan Umra tadbirlarini tashkil etish va oʻtkazish faoliyatida nazorat xaridini amalga oshirish tartibi tasdiqlandi.
Din ishlari boʻyicha qoʻmita umraga yuboruvchilar boʻyicha “Sirli mijoz” yashirin nazorat tadbirlari oʻtkazilishini maʼlum qildi. Qoʻmita qarori bilan umra tadbirlarini tashkil etish va oʻtkazish faoliyatida nazorat xaridini amalga oshirish tartibi tasdiqlandi.
Unda qayd etilishicha, “Sirli mijoz” tadbiridan umra tadbirlarini tashkil etish va oʻtkazish faoliyatida isteʼmolchilarning huquqlarini himoya qilish, litsenziyaga ega boʻlmagan shaxslar tomonidan noqonuniy xizmatlar koʻrsatilishini barvaqt aniqlash va oldini olish maqsad qilingan.
“Sirli mijoz” tadbiri qonuniylik, xolislik va adolatlilik prinsiplariga asoslangan holda qoʻmita masʼul xodimlari tomonidan amalga oshiriladi. Ushbu tadbir tekshirish yoki tadbirkorlik faoliyatiga aralashish hisoblanmaydi, bunday tadbirlar “Yagona davlat nazorati” axborot tizimida roʻyxatga olinmaydi.
Ushbu tadbir umra xizmatlarini noqonuniy amalga oshirayotgan jismoniy yoki yuridik shaxslar faoliyatini barvaqt aniqlash maqsadida qoʻmita tashabbusi bilan tashkil etiladi va oʻtkaziladi.
Tadbir quyidagi manbalardan olingan maʼlumotlar asosida tashkil etiladi:
- jismoniy va yuridik shaxslar tomonidan umra xizmatini koʻrsatish faoliyati
- yuzasidan qoʻmitaga kelib tushgan murojaatlar;
- davlat organlari va boshqa tashkilotlar tomonidan taqdim etilgan maʼlumot,
- tahlil va xulosalar;
- ommaviy axborot vositalari, Internet jahon axborot tarmogʻidagi vebsaytlar, ijtimoiy tarmoqlar va boshqa ochiq manbalarda tarqalgan maʼlumotlar;
- “Xavfni tahlil qilish” elektron tizimida huquqbuzarlik sodir etish xavfi oʻrta va yuqori darajada baholangan tadbirkorlik subektlari toʻgʻrisidagi maʼlumotlar.
Qoʻmita masʼul xodimi umra xizmatlarini noqonuniy amalga oshirishda gumon qilinayotgan jismoniy yoki yuridik shaxsning oldiga mijoz sifatida boradi va undan oʻziga umra xizmati koʻrsatilishini soʻraydi hamda quyidagi maʼlumotlarni yigʻadi:
- umra xizmatini koʻrsatish uchun tegishli litsenziya mavjudligi (rasmiy hujjat yoki ogʻzaki maʼlumot asosida);
- umra xizmatini koʻrsatish shartlari (muddati, narxi va boshqalar);
- umra xizmati uchun toʻlov usuli va hisob raqami.
- “Sirli mijoz” tadbiri davomida yashirin diktofon yoki video kuzatuv moslamalaridan foydalanilishi mumkin.
Tadbiri natijalari boʻyicha dalolatnoma tuziladi va qoʻmitaning vakolatli tarkibiy boʻlinmasiga taqdim etiladi. U besh ish kuni ichida koʻrib chiqiladi. Huquqbuzarlik holatlari aniqlansa, qonunchilikda belgilangan tartibda tekshiruvlar oʻtkazish yoki huquqni muhofaza qiluvchi organlarga materiallarni yuborish boʻyicha takliflar tayyorlanadi.
